नशा मुक्त भारत अभियान: आप्पासाहेब बिरनाळे शिक्षणशास्त्र महाविद्यालयात विशेष कार्यक्रम सांगली: आप्पासाहेब बिरनाळे शिक्षणशास्त्र महाविद्यालय, सांगली येथे १८ नोव्हेंबर २०२५ रोजी ‘नशा मुक्त भारत अभियान’ अंतर्गत जनजागृतीपर विशेष कार्यक्रमाचे आयोजन करण्यात आले होते. या कार्यक्रमात विद्यार्थ्यांना आणि उपस्थित कर्मचाऱ्यांमध्ये नशामुक्तीबद्दल जागरूकता निर्माण करून, सशक्त व व्यसनमुक्त समाजाच्या निर्मितीसाठी संकल्प करण्यात आला. कार्यक्रमाची सुरुवात नशामुक्तीच्या विषयावर आयोजित भाषण सत्राने झाली. या सत्रात महाविद्यालयातील सहा. प्रा. माने आर. बी. यांनी उपस्थितांना व्यसनांचे समाजावर आणि व्यक्तीच्या जीवनावर होणारे गंभीर दुष्परिणाम, तसेच नशामुक्तीचे महत्त्व पटवून दिले. त्यांनी युवकांना व्यसनांपासून दूर राहून राष्ट्रनिर्माणात योगदान देण्याचे आवाहन केले. उप प्राचार्या डॉ. डी. एस. बिरनाळे मॅडम यांनी अध्यक्षीय भाषणातून नशामुक्तीच्या राष्ट्रीय अभियानाचे महत्त्व विशद केले. त्यांनी महाविद्यालयीन विद्यार्थ्यांनी आणि शिक्षकांनी या अभियानात सक्रिय सहभाग घेण्याचे आवाहन केले. अध्यक्षीय भाषणानंतर, सहा. प्रा. माने एस. जी. यांच्यासह उपस्थितांनी व्यसनमुक्त जीवन जगण्याची आणि इतरांना व्यसनांपासून दूर राहण्यासाठी प्रेरित करण्याची नशामुक्तीची शपथ घेतली. या शपथविधीमुळे कार्यक्रमाला एक गंभीर आणि विधायक स्वरूप प्राप्त झाले. महाविद्यालयाने राबवलेला हा उपक्रम नशा मुक्त भारत अभियानाला बळ देणारा असून, विद्यार्थ्यांमध्ये सकारात्मक जीवनशैली रुजवण्यासाठी महत्त्वाचे पाऊल ठरले.

“आप्पासाहेब बिरनाळे कॉलेज ऑफ एज्युकेशन, सांगली.बी.एड. व एम.एड.च्या विद्यार्थ्यांचे शिवाजी विद्यापीठ गुणवत्ता यादीत दैदीप्यमान यश” शिवाजी विद्यापीठ बी.एड. एम.एड.शैक्षणिक वर्ष 2023-25 परीक्षेत गुणवत्ता यादीत आप्पासाहेब बिरनाळे कॉलेज ऑफ एज्युकेशन, सांगली.मधील प्रशिक्षनार्थ्यांनी अनुक्रमे बी.एड.विद्यापीठ गुणवत्ता यादीत प्रियांका भूषण कवठेकर यांचा नववा क्रमांक तसेच एम.एड. मध्ये सूर्यवंशी नलिनी महेश यांचा तिसरा क्रमांक, वारंग श्रुती जयसिंग यांचा चौथा क्रमांक ,नांदुरकर ऋतुजा गजानन पाचवा क्रमांक प्राप्त केला. या यशाबद्दल संस्था चेअरमन श्री.समीर बिरनाळे सर, संस्था डायरेकटर श्री. सागर बिरनाळे सर, तसेच प्राचार्य डॉ.पी.के.पाटील, उपप्राचार्य डॉ.दीपा बिरनाळे यांनी अभिनंदन केले.

“आप्पासाहेब बिरनाळे कॉलेज ऑफ एज्युकेशन, सांगली. मधील विद्यार्थ्यांचे नुकत्याच झालेल्या “सेट” परीक्षेत विविध विषयात स्पृहनीय यश” सांगली दि. 30/08/2025 आप्पासाहेब बिरनाळे कॉलेज ऑफ एज्युकेशन, सांगली. मधील विद्यार्थ्यांचे नुकत्याच झालेल्या “सेट” परीक्षेत विविध विषयात स्पृहनीय यश संपादन केले. यामध्ये अनुक्रमे 1)भाग्यश्री अनिल मनुरे – शिक्षणशास्त्र 2) चैताली बबन गायकवाड – शिक्षणशास्त्र 3) सोनाली बेनाडे -पाटील – गणित 4)स्वप्नाली वडेर – समाजशास्त्र 5)सानिया समीर रंकाळे * शिक्षणशास्त्र* 6) प्रणया पाटील * शिक्षणशास्त्र या गुणवंत्ताधारक विद्यार्थ्यांचा सहभाग आहे.यामध्ये महाविद्यालयातील मार्गदर्शक प्राध्यापकांनी सेट, नेट च्या ऑनलाईन क्लास मध्ये घेतलेल्या कष्टाला व विद्यार्थ्यांनी अतिशय चिकाटीने केलेल्या प्रयत्नांना यश मिळाल्याचे स्पष्टपणे जाणवते या मुळे सांगली व कोल्हापूर जिल्ह्यात आप्पासाहेब बिरनाळे महाविद्यालयाचा नावलौकिक वाढताना दिसत आहे. यामागे सर्व प्राध्यापक,प्रशासन व संस्था यांचा मोलाचा वाटा आहे.

“आप्पासाहेब बिरनाळे कॉलेज ऑफ एज्युकेशन, सांगली.बी.एड. व एम.एड.च्या विद्यार्थ्यांचे शिवाजी विद्यापीठ गुणवत्ता यादीत दैदीप्यमान यश” शिवाजी विद्यापीठ बी.एड. एम.एड.शैक्षणिक वर्ष 2023-25 परीक्षेत गुणवत्ता यादीत आप्पासाहेब बिरनाळे कॉलेज ऑफ एज्युकेशन, सांगली.मधील प्रशिक्षनार्थ्यांनी अनुक्रमे बी.एड.विद्यापीठ गुणवत्ता यादीत प्रियांका भूषण कवठेकर यांचा नववा क्रमांक तसेच एम.एड. मध्ये सूर्यवंशी नलिनी महेश यांचा तिसरा क्रमांक, वारंग श्रुती जयसिंग यांचा चौथा क्रमांक ,नांदुरकर ऋतुजा गजानन पाचवा क्रमांक प्राप्त केला. या यशाबद्दल संस्था चेअरमन श्री.समीर बिरनाळे सर, संस्था डायरेकटर श्री. सागर बिरनाळे सर, तसेच प्राचार्य डॉ.पी.के.पाटील, उपप्राचार्य डॉ.दीपा बिरनाळे यांनी अभिनंदन केले.

“समाजाच्या हितासाठी ग्रंथालयाचे संवर्धन करणे आवश्यक आहे- ग्रंथपाल तृप्ती वाघ” सांगली,मंगळवार दि.12/08/2025 आप्पासाहेब बिरनाळे कॉलेज ऑफ एज्युकेशन मध्ये “राष्ट्रीय ग्रंथपाल दिन”उत्साहात संपन्न झाला. सुरवातीस सहा.डॉ. दीपा बिरनाळे यांचे हस्ते दिपप्रज्वलन व एस आर रंगनाथन यांच्या प्रतिमेचे पूजन करून सुरुवात झाली . .यामध्ये आजच्या कार्यक्रमाचे स्वरूप ग्रंथपाल वाघ तृप्ती यांनी स्पष्ट केले.तसेच ग्रंथालयाचे महत्व सांगितले त्याचप्रमाणे पुढे त्या म्हणाल्या,भारतीय ग्रंथालय चळवळीचे जनक डॉ.एस.आर.रंगनाथन यांच्या जयंतीनिमित्त (12 ऑगस्ट) राष्ट्रीय ग्रंथपाल दिन साजरा करण्यात येतो. यानिमित्ताने वाचनसंस्कृती टिकावी आणि दिवसेंदिवस ती वृध्दींगत व्हावी यासाठी ग्रंथालयाचे असलेले महत्व आणि डॉ.रंगनाथन यांचे कार्य याविषयी माहिती सांगितली. ग्रंथालयशास्त्राचे पितामह म्हणून ओळखल्या जाणाऱ्या डॉ.एस.आर. रंगनाथन यांच्या जयंतीनिमित्ताने राष्ट्रीय ग्रंथपाल दिन साजरा केला जातो. ग्रंथालय ही एक सामाजिक संस्था असून समाजाच्या हितासाठी ग्रंथालयाचे संवर्धन करणे आवश्यक आहे. ग्रंथालयाचे जतन करणारा ग्रंथपालही महत्वाचा घटक आहे. ज्याप्रमाणे वाचकांच्या गरजा वाढतात, बदलतात त्याचप्रमाणे ग्रंथपालनाच्या कक्षाही वाढत जाणे आवश्यक आहे. भारतीय ग्रंथालयात साधारणत: 1965 नंतर संगणकाने प्रवेश केला. सर्वप्रथम Indian National Sicentific Documentation Center (INSDOC) मुंबई, Bharat Automic Reserach Center (BARC), BHEL आदी ठिकाणी ग्रंथालयात संगणकाचा वापर झाला. नंतर इलेक्ट्रॉनिक माध्यमांनी जागेच्या प्रश्नाला पर्याय दिला खरा पण यामुळे ग्रंथालये नष्ट तर होणार नाहीत ना, अशी भीतीही व्यक्त होऊ लागली. मात्र, जुने सोडायचे नाही पण नवेही स्वीकारायचे, या धोरणावर ग्रंथपाल संगणकाचे ज्ञान अवगत करू लागला. ई-रिसोर्सेसमध्ये ई-बुक, ई-जर्नल्स, सीडी, डीव्हीडी, मायक्रोचिप, मायक्रोफॉर्म, कार्ड रिडर आदींचा समावेश होतो. तर पारंपरिक साधनांमध्ये लिखिते, हस्तलिखिते, ग्रंथ, नियतकालिके, नकाशे, गॅजेट्‍स आदींचा समावेश होतो. पुस्तकांच्या विश्वात काम करणारा ग्रंथपाल (लायब्ररियन) हा समाजातील महत्त्वाचा घटक आहे. या दोन्हीचा समन्यय राखण्‍यासाठी ग्रंथपालाला नेहमी प्रयत्नशील राहावे लागते. 12 ऑगस्ट हा दिवस भारतात राष्ट्रीय ग्रंथपाल दिन म्हणून साजरा केला जातो, ग्रंथालय विज्ञानाचे राष्ट्रीय प्राध्यापक, डॉ एसआर रंगनाथन (1892-1972), ज्यांनी भारतात ग्रंथालय विकासाचे नेतृत्व केले होते . या दिवशी लोक एकत्र येऊन आपल्या समाजात ग्रंथालये आणि ग्रंथपाल यांची महत्त्वाची भूमिका साजरी करतात. वाचन आणि पुस्तके प्रत्येकासाठी सुलभ आणि परवडणारी बनविण्याचे महत्त्व प्रतिबिंबित करण्याचा हा दिवस आहे ग्रंथालय आणि माहिती विज्ञान क्षेत्रात भरीव कामगिरी करणाऱ्या श्री. एस.आर. रंगनाथन यांच्या जन्मदिनाच्या स्मरणार्थ दरवर्षी १२ ऑगस्ट रोजी भारतात राष्ट्रीय ग्रंथालय दिन साजरा केला असेही त्या म्हणाल्या. यावेळी बी.एड.एम.एड.चे सर्व प्राध्यापक, तसेच प्रशिक्षणार्थी उपस्थित होते.सदरचे कार्यक्रम संस्था चेअरमन मा.श्री.समीर बिरनाळे सर, डायरेक्टर श्री.सागर बिरनाळे सर यांच्या पाठिंब्यामुळे उत्कृष्टपणे करण्यास शक्य होते.

“अण्णाभाऊनी शोषित आणि उपेक्षित समुदायांचे जीवन आणि त्यांचा संघर्ष प्रकाशात आणला” -सहा.प्रा.कीर्तिकर.वाय.एस सांगली शुक्रवार दि.01ऑगस्ट 2025 आप्पासाहेब बिरनाळे कॉलेज ऑफ एज्युकेशन ,सांगली येथे शुक्रवार दि.01/08/2025 रोजी अण्णाभाऊ साठे यांची जयंती व लोकमान्य टिळक यांची पुण्यतिथी साजरी करण्यात आली. या कार्यक्रमामध्ये सुरवातीस डॉ. दीपा बिरनाळे, सर्व बी. एड.,एम.एड. चे सहा.प्राध्यापक यांचे हस्ते प्रतिमापूजन करण्यात आले. सुरवातीस कार्यक्रमाचे प्रमुख पाहुणे सहा.प्रा.श्री. कीर्तिकर वाय एस. यांनी आपले विचार व्यक्त केले.ते म्हणाले,अण्णा भाऊ साठे हे साहित्य, संगीत आणि सामाजिक कार्याच्या जगात एक अग्रगण्य प्रकाश होते, त्यांनी उपेक्षित समुदायांच्या संघर्षांना संबोधित करण्यासाठी त्यांच्या व्यासपीठाचा वापर केला. जातीय पदानुक्रम आणि आर्थिक विषमतेने ग्रासलेल्या समाजात आशेचे किरण म्हणून उभे राहिले, “फकिरा” हा बहुधा त्यांचा उत्कृष्ट रचना मानला जातो. ही एक सशक्त कथा आहे जी उपेक्षित आणि शोषित वर्गाच्या सामाजिक-आर्थिक त्रासांना प्रतिबिंबित करते, सामाजिक अन्याय, जातीय kभेदभाव आणि गरिबीच्या कठोर वास्तवाच्या थीम शोधते. त्यांची साहित्यकृती केवळ कादंबऱ्यांपुरती मर्यादित नव्हती. 300 हून अधिक श्रेयासह ते लघुकथांचे विपुल लेखक देखील होते. त्यांच्या कथनांमध्ये वैविध्य असताना, या कथा एका समान धाग्याने एकत्र आल्या – त्यांनी शोषित आणि उपेक्षित समुदायांचे जीवन आणि संघर्ष प्रकाशात आणले. मराठी भाषेचा कुशल वापर, लोकपरंपरांच्या घटकांमध्ये मिसळून, अण्णा भाऊ साठे यांना व्यापक श्रोत्यांशी जोडले गेले. आवाजहीनांना आवाज देण्यासाठी, त्यांचे संघर्ष आणि आकांक्षा सहानुभूतीपूर्वक, खंबीरपणे मांडण्यासाठी त्यांनी आपल्या लेखनाचा प्रभावीपणे उपयोग केला.अण्णा भाऊ साठे यांच्या साहित्यकृतींनी जाति-आधारित भेदभाव, आर्थिक विषमता आणि सामाजिक अन्याय यांसारख्या गुंतागुंतीच्या विषयांना तोंड देणे टाळले. हे विषय अण्णा भाऊ साठे यांच्यासाठी अत्यंत वैयक्तिक होते, त्यांनी उपेक्षित समाजात वाढलेल्या अनुभवातून रेखाटले होते.यानंतर कार्यक्रमाचे अध्यक्ष डॉ.दीपा बिरनाळे यांनी अण्णाभाऊ साठे यांचेबद्दल बोलताना सांगितले की,अण्णाभाऊ साठे यांची सक्रियता आणि राजकीय सहभाग हा केवळ त्यांच्या आयुष्याचा विस्तार नव्हता, तर सामाजिक न्यायासाठी त्यांच्या खोलवर असलेल्या बांधिलकीचे प्रकटीकरण होते. त्यांच्या अथक प्रयत्नांनी सामाजिक नियमांना आव्हान देण्यात आणि अर्थपूर्ण बदल घडवून आणण्यात महत्त्वपूर्ण भूमिका बजावली. त्यांचे जीवन, सामाजिक परिवर्तन घडवून आणण्यासाठी व्यक्तींच्या भूमिकेवर जोर देऊन, कार्यकर्त्यांना आणि राजकीय नेत्यांना सारखेच प्रेरणा देते.लोकमान्य टिळक यांच्या कार्यावर प्रकाश टाकताना ते म्हणाले की.लोकमान्य टिळक हे स्वराज्याचे पहिले आणि प्रबळ पुरस्कर्ते होते. तसेच ते भारतीय स्वातंत्र्य चळवळीतील एक मजबूत जहालवादी नेते होते. “स्वराज्य हा माझा जन्मसिद्ध हक्क आहे आणि तो मी मिळवणारच!” या त्यांच्या घोषणेसाठी ते ओळखले जातात. 1881 ते 1920 या चाळीस वर्षांच्या काळात टिळकांनी 513 अग्रलेख लिहिले. तसेच लोकमान्य टिळकांनी त्यांच्या प्रदीर्घ राजकीय कारकीर्दीत ब्रिटिश राजवटीपासून भारतीय स्वायत्ततेसाठी लढा दिला. लोकमान्य टिळक हे जहालमतवादी नेते ओळखले जात असे. त्यानंतर सहा.प्रा. चांदणे एस व्ही. यांनी लोकमान्य टिळक पुण्यतिथी व लोकशाहीर अण्णाभाऊ साठे यांच्या जयंतीनिमित्त ग्रंथालयास ग्रामगीता राष्टसंत तुकडोजी महाराज, घुसमट – युवराज सावंत, खाली जमीन वर आकाश – डॉ. राजेंखान, चौँडक आणि भंडारभोग – प्रा.मैनूद्दीन, दलित ग्रामीण कथेतील गावगाडा-डॉ. शिला रत्नाकर या पुस्तकांचा संच ग्रंथालयास भेट दिला तो ग्रंथपाल वाघ तृप्ती यांनी स्वीकारला. कार्यक्रमाच्या शेवटी सहा. प्रा.सविता जाधव यांनी आभार मानले. सदर कार्यक्रमाचे सूत्रसंचालन व नियोजन सहा. प्रा. होनमाने पी. पी. यांनी केले होते.यावेळी बी.एड., एम.एड. सर्व स्टाफ व विद्यार्थी उपस्थित होते. तसेच या कार्यक्रमास संस्था चेअरमन मा.श्री.समीर बिरनाळे सर, डायरेक्टर श्री.सागर बिरनाळे सर प्राचार्य डॉ. पी.के.पाटील हे कामाच्या व्यापामुळे प्रत्यक्ष जरी उपस्थित नसले तरी त्यांचे सततचे प्रोत्साहनामुळेच आम्हाला असे कार्यक्रम करण्यास उर्जा प्राप्त होते यात शंका नाही.

“गुरूंचे आशीर्वाद आणि त्यांची शिकवणच आपल्याला योग्य मार्ग दाखवतात.” – डॉ.दीपा बिरनाळे, सांगली दि.10/07/2025 आप्पासाहेब बिरनाळे कॉलेज ऑफ एज्युकेशन, सांगली. येथे गुरुपौर्णिमा उत्साहात साजरी करण्यात आली. यावेळी सुरुवातीस सहा.प्रा.पाटोळे व्ही.एन. यांनी कार्यक्रमाचे प्रास्ताविक करताना त्यांनी कार्यक्रमाचे स्वरूप स्पष्ट केले. त्यानंतर या कार्यक्रमात विद्यार्थी मनोगतात राधिका काळे अश्विनी शिंदे यांनी आपले मनोगत व्यक्त केले.तसेच प्रमिला सुतार यांनी आपल्या मधुर गायनाने उपस्थित शिक्षकांविषयी कृतज्ञता व्यक्त केली प्रमुख पाहुणे सहा.प्रा.माने आर.बी.यांनी गुरुपौर्णिमेच्या सर्वांना हार्दिक शुभेच्छा दिल्या. तसेच गुरु शिष्य परंपरा सध्या लोप पावत चालली असल्याने खरंच याबाबत विचार करण्याची वेळ आपल्यावर आलेली आहे.त्यानंतर कार्यक्रमाचे अध्यक्ष सहा.प्रा.डॉ.दीपा बिरनाळे यांनी गुरुपौर्णिमा का साजरी केली जाते? या प्रश्नाचे समर्पक उत्तर देत असताना ” तत्त्वज्ञानात्परं नास्ति तस्मै श्रीगुरवे नमः ॥” या महावाक्याचा अर्थ सांगताना त्यांनी गुरु म्हणजे स्वधारणा होय असे स्पष्ट केले. गुरुपौर्णिमेला पौर्णिमेचे तेज गुरुंचे आशीर्वाद आणि शिकवण वाढवते. आध्यात्मिक साधना, ध्यान आणि आत्मचिंतनासाठी एक आदर्श वातावरण तयार करते . ही पौर्णिमेची तेजस्वी रात्र ज्ञान, स्पष्टता आणि आंतरिक शांती मिळविण्यासाठी एक योग्य वेळ आहे. असेही त्या पुढे म्हणाल्या. या कार्यक्रमाचे सूत्रसंचालन भक्ती पाटील तर आभार प्रतीक्षा चौगुले यांनी मानले. सदर कार्यक्रमास चेअरमन श्री.समीर बिरनाळे सर, डायरेकटर श्री.सागर बिरनाळे सर यांची प्रेरणा व मार्गदर्शन मिळाले. त्यामुळेच असे कार्यक्रम यशस्वी होतात.

“आप्पासाहेब बिरनाळे कॉलेज मध्ये “बिरसा मुंडा” यांची जयंती उपक्रमाने साजरी” सांगली.शनिवार दि. 15/11/2025 आप्पासाहेब बिरनाळे कॉलेज मध्ये “बिरसा मुंडा” यांची जयंती उपक्रमाने साजरी करण्यात आली. यामध्ये सुरुवातीला महाविद्यालयाच्या उप-प्राचार्या डॉ.दीपा बिरनाळे तसेच सर्व सहा. प्राध्यापक यांचे हस्ते भारतीय आदिवासी स्वातंत्र्य सैनिक बिरसा मुंडा यांच्या प्रतिमेस अभिवादन करण्यात आले. त्यांनतर सहा.प्रा.कीर्तिकर वाय एस यांनी या महान आदिवासी स्वातंत्र्य सैनिकांविषयी माहिती दिली.ते म्हणाले,बिरसा मुंडा हे एक भारतीय आदिवासी स्वातंत्र्यसैनिक होते, ज्यांनी ब्रिटिश राजवटीविरुद्ध संघर्ष केला आणि १९व्या शतकात आदिवासी समुदायांचे हक्क आणि संस्कृतीचे संरक्षण करण्यासाठी ‘उलगुलान’ नावाचे मोठे आंदोलन पुकारले. त्यांचा जन्म १५ नोव्हेंबर १८७५ रोजी झाला आणि त्यांनी आदिवासी जमातीचे लोकनायक म्हणून मोठी भूमिका बजावली.तसेच बिरसा मुंडा (त्याला धरती अब्बा म्हणूनही ओळखले जाते) एक भारतीय आदिवासी स्वातंत्र्यसैनिक आणि लोकनायक होता, जो मुंडा जमातीशी संबंधित होता आणि 19व्या शतकाच्या उत्तरार्धात ब्रिटीश राजवटीत आधुनिक बिहार, आणि झारखंडच्या आदिवासी पट्ट्यात उदयास आलेल्या सहस्त्राब्दी चळवळीच्या मागे होता.असेही ते म्हणाले.त्यानंतर बिरसा मुंडा यांचे जीवन चरित्र चित्रमय रूपात प्रदर्शित करण्यात आले होते. त्याचे निरीक्षण बी.एड.एम.एड.च्या सर्व प्रशिक्षणार्थिनी केले.याविषयावर निबंध स्पर्धेचे आयोजन करण्यात येईल त्याविषयी सविस्तर नोटीस कचफलकात दिली जाईल असे सहा.प्रा.माने एस.जी.यांनी सांगितले. असे उपक्रम सतत राबवावे यासाठी संस्था सदैव पाठीशी असतें.

नेट,सेट परीक्षामध्ये बिरनाळे एम.एड. महाविद्यालयाचे विदयार्थी सातत्याने प्रगतीपथावर – सहा.प्रा.गोपाळ कबनूरकर* आप्पासाहेब बिरनाळे कॉलेज मध्ये नेट सेट परीक्षा विषयी बी एड एम एड विद्यार्थ्यांना मार्गदर्शन, अभ्यागत व्याख्यानाच्या अनुषंगाने आयोजीत करण्यात आले होते यावेळी सुरुवातीला सहा. प्रा. चांदणे एस व्ही यांनी कार्यक्रमाचे प्रास्ताविक केले व त्यांनतर महाविद्यालयाच्या उप -प्राचार्या डॉ दीपा बिरनाळे यांनी बुके देऊन स्वागत केले. यावेळी प्रमुख मार्गदर्शक श्री गुलाबराव पाटील बी एड कॉलेज चे सहा.प्रा.कबनूरकर यांनी विद्यार्थ्यांना मार्गदर्शन केले. यामध्ये ते म्हणाले की,NET (National Eligibility Test) आणि SET (State Eligibility Test) या परीक्षा विद्यापीठात व्याख्याता पदासाठी घेतल्या जातात. या परीक्षांची तयारी करण्यासाठी सर्वप्रथम अभ्यासक्रम आणि परीक्षा पद्धती समजून घेणे महत्त्वाचे आहे. अभ्यासक्रम आणि मागील वर्षांच्या प्रश्नपत्रिकांचा सराव करून, योग्य पुस्तके वापरून आणि मॉक टेस्ट देऊन प्रभावी तयारी करता येते.तयारीसाठी मार्गदर्शन अभ्यासक्रम आणि परीक्षा पद्धती समजून घ्या: तयारी सुरू करण्यापूर्वी, दोन्ही परीक्षांचा अभ्यासक्रम आणि परीक्षेचे स्वरूप नीट समजून घ्या. पुस्तके आणि साहित्य: अभ्यासक्रमासाठी योग्य आणि दर्जेदार पुस्तके निवडा. अनेक youtube चॅनेल्स वर साहित्य आणि नोट्स देखील उपलब्ध आहेत.मागील वर्षांच्या प्रश्नपत्रिका सोडवण्याचा सराव करा. चालू घडामोडींवर विशेष लक्ष केंद्रित करा, कारण त्या परीक्षांचा एक महत्त्वाचा भाग आहेत.अभ्यास केलेल्या घटकांची वेळोवेळी पुनरावृत्ती करत रहा, जेणेकरून तुमची तयारी अधिक प्रभावी होईल पेपर 1 मध्ये सामान्य अभ्यास आणि अध्यापन व संशोधन अभियोग्यता यांसारख्या विषयांवर लक्ष केंद्रित करा.तसेच पेपर 2 मध्ये तुमच्या विषयाच्या सखोल अभ्यासासाठी तयारी करा. या महाविद्यालयात अनेक उच्चविद्याविभुषित तज्ज्ञ प्राध्यापक आहेत त्यांचे मार्गदर्शन घ्यावे. व आपले ध्येय गाठावे असेही त्यांनी सांगितले या कार्यक्रमाचे अध्यक्ष महाविद्यालयाच्या उप -प्राचार्या डॉ दीपा बिरनाळे यांनी कॉलेज मधील सोयीसुविधा अभ्यासपूरक वातावरण याविषयीं माहिती दिली व आपणास सुसंज्ज लायब्ररी अध्ययन अनुकूल असल्याचे सांगितले शेवटी सहा.प्रा.पाटोळे व्ही एन यांनी आभार मानले.यामध्ये संस्था चेअरमन श्री समीर बिरनाळे व संस्था डायरेकटर श्री सागर बिरनाळे यांची प्रेरणा असल्यामुळे आमच्या विद्यार्थ्यांना सतत यश मिळत आहे.

“वसंतदादा पाटील यांनी सहकारातून राज्याच्या विकासासाठी प्रयत्न केले” – डॉ.दीपा बिरनाळे गुरुवार दि. 13/11/2025 अप्पासाहेब बिरनाळे कॉलेज ऑफ एज्युकेशन,सांगली येथे माजी मुख्यमंत्री श्री. वसंतदादा पाटील यांची जयंती साजरी करण्यात आली. यावेळी सुरुवातीस सर्व बी.एड व एम.एड स्टाफ व उप-प्राचार्या डॉ.दीपा बिरनाळे यांनी श्री वसंतदादा पाटील यांच्या प्रतिमेस हार घालून अभिवादन केले.प्रास्ताविक सहा प्रा.श्री.चांदणे.एस.व्ही. सर यांनी केले. त्यानंतर अध्यक्षीय मनोगतात महाविद्यालयाच्या उप – प्राचार्या डॉ. दीपा बिरनाळे यांनी वसंतदादा पाटील यांच्या सामाजिक, शैक्षणिक तसेच राजकीय संघर्ष करून महाराष्ट्रात मुख्यमंत्री पदापर्यंत त्यांची लक्षणीय झेप घेतली. याबरोबरच आमच्या संस्थेचे संस्थापक मा.आमदार श्री. आप्पासाहेब बिरनाळे यांनी दादांना सहकार्य करून सांगली मध्ये त्यांना साथ दिली.याविषयी माहिती व मार्गदर्शन केले. सदर कार्यक्रमाचे आभार सहा. प्रा. होनमाने पी पी यांनी मानले. सदर कार्यक्रम यशस्वीतेसाठी संस्था चेअरमन श्री समीर बिरनाळे,संस्था डायरेकटर श्री सागर बिरनाळे यांचा मोलाचा पाठिंबा असतो त्यामुळे असे कार्यक्रम यशस्वी होतात.