“आप्पासाहेब बिरनाळे कॉलेज मध्ये “बिरसा मुंडा” यांची जयंती उपक्रमाने साजरी” सांगली.शनिवार दि. 15/11/2025 आप्पासाहेब बिरनाळे कॉलेज मध्ये “बिरसा मुंडा” यांची जयंती उपक्रमाने साजरी करण्यात आली. यामध्ये सुरुवातीला महाविद्यालयाच्या उप-प्राचार्या डॉ.दीपा बिरनाळे तसेच सर्व सहा. प्राध्यापक यांचे हस्ते भारतीय आदिवासी स्वातंत्र्य सैनिक बिरसा मुंडा यांच्या प्रतिमेस अभिवादन करण्यात आले. त्यांनतर सहा.प्रा.कीर्तिकर वाय एस यांनी या महान आदिवासी स्वातंत्र्य सैनिकांविषयी माहिती दिली.ते म्हणाले,बिरसा मुंडा हे एक भारतीय आदिवासी स्वातंत्र्यसैनिक होते, ज्यांनी ब्रिटिश राजवटीविरुद्ध संघर्ष केला आणि १९व्या शतकात आदिवासी समुदायांचे हक्क आणि संस्कृतीचे संरक्षण करण्यासाठी ‘उलगुलान’ नावाचे मोठे आंदोलन पुकारले. त्यांचा जन्म १५ नोव्हेंबर १८७५ रोजी झाला आणि त्यांनी आदिवासी जमातीचे लोकनायक म्हणून मोठी भूमिका बजावली.तसेच बिरसा मुंडा (त्याला धरती अब्बा म्हणूनही ओळखले जाते) एक भारतीय आदिवासी स्वातंत्र्यसैनिक आणि लोकनायक होता, जो मुंडा जमातीशी संबंधित होता आणि 19व्या शतकाच्या उत्तरार्धात ब्रिटीश राजवटीत आधुनिक बिहार, आणि झारखंडच्या आदिवासी पट्ट्यात उदयास आलेल्या सहस्त्राब्दी चळवळीच्या मागे होता.असेही ते म्हणाले.त्यानंतर बिरसा मुंडा यांचे जीवन चरित्र चित्रमय रूपात प्रदर्शित करण्यात आले होते. त्याचे निरीक्षण बी.एड.एम.एड.च्या सर्व प्रशिक्षणार्थिनी केले.याविषयावर निबंध स्पर्धेचे आयोजन करण्यात येईल त्याविषयी सविस्तर नोटीस कचफलकात दिली जाईल असे सहा.प्रा.माने एस.जी.यांनी सांगितले. असे उपक्रम सतत राबवावे यासाठी संस्था सदैव पाठीशी असतें.

नेट,सेट परीक्षामध्ये बिरनाळे एम.एड. महाविद्यालयाचे विदयार्थी सातत्याने प्रगतीपथावर – सहा.प्रा.गोपाळ कबनूरकर*
आप्पासाहेब बिरनाळे कॉलेज मध्ये नेट सेट परीक्षा विषयी बी एड एम एड विद्यार्थ्यांना मार्गदर्शन, अभ्यागत व्याख्यानाच्या अनुषंगाने आयोजीत करण्यात आले होते यावेळी सुरुवातीला सहा. प्रा. चांदणे एस व्ही यांनी कार्यक्रमाचे प्रास्ताविक केले व त्यांनतर महाविद्यालयाच्या उप -प्राचार्या डॉ दीपा बिरनाळे यांनी बुके देऊन स्वागत केले. यावेळी प्रमुख मार्गदर्शक श्री गुलाबराव पाटील बी एड कॉलेज चे सहा.प्रा.कबनूरकर यांनी विद्यार्थ्यांना मार्गदर्शन केले. यामध्ये ते म्हणाले की,NET (National Eligibility Test) आणि SET (State Eligibility Test) या परीक्षा विद्यापीठात व्याख्याता पदासाठी घेतल्या जातात. या परीक्षांची तयारी करण्यासाठी सर्वप्रथम अभ्यासक्रम आणि परीक्षा पद्धती समजून घेणे महत्त्वाचे आहे. अभ्यासक्रम आणि मागील वर्षांच्या प्रश्नपत्रिकांचा सराव करून, योग्य पुस्तके वापरून आणि मॉक टेस्ट देऊन प्रभावी तयारी करता येते.तयारीसाठी मार्गदर्शन
अभ्यासक्रम आणि परीक्षा पद्धती समजून घ्या: तयारी सुरू करण्यापूर्वी, दोन्ही परीक्षांचा अभ्यासक्रम आणि परीक्षेचे स्वरूप नीट समजून घ्या.
पुस्तके आणि साहित्य: अभ्यासक्रमासाठी योग्य आणि दर्जेदार पुस्तके निवडा. अनेक youtube चॅनेल्स वर साहित्य आणि नोट्स देखील उपलब्ध आहेत.मागील वर्षांच्या प्रश्नपत्रिका सोडवण्याचा सराव करा. चालू घडामोडींवर विशेष लक्ष केंद्रित करा, कारण त्या परीक्षांचा एक महत्त्वाचा भाग आहेत.अभ्यास केलेल्या घटकांची वेळोवेळी पुनरावृत्ती करत रहा, जेणेकरून तुमची तयारी अधिक प्रभावी होईल
पेपर 1 मध्ये सामान्य अभ्यास आणि अध्यापन व संशोधन अभियोग्यता यांसारख्या विषयांवर लक्ष केंद्रित करा.तसेच
पेपर 2 मध्ये तुमच्या विषयाच्या सखोल अभ्यासासाठी तयारी करा. या महाविद्यालयात अनेक उच्चविद्याविभुषित तज्ज्ञ प्राध्यापक आहेत त्यांचे मार्गदर्शन घ्यावे. व आपले ध्येय गाठावे असेही त्यांनी सांगितले या कार्यक्रमाचे अध्यक्ष महाविद्यालयाच्या उप -प्राचार्या डॉ दीपा बिरनाळे यांनी कॉलेज मधील सोयीसुविधा अभ्यासपूरक वातावरण याविषयीं माहिती दिली व आपणास सुसंज्ज लायब्ररी अध्ययन अनुकूल असल्याचे सांगितले शेवटी सहा.प्रा.पाटोळे व्ही एन यांनी आभार मानले.यामध्ये संस्था चेअरमन श्री समीर बिरनाळे व संस्था डायरेकटर श्री सागर बिरनाळे यांची प्रेरणा असल्यामुळे आमच्या विद्यार्थ्यांना सतत यश मिळत आहे.

“वसंतदादा पाटील यांनी सहकारातून राज्याच्या विकासासाठी प्रयत्न केले” – डॉ.दीपा बिरनाळे गुरुवार दि. 13/11/2025 अप्पासाहेब बिरनाळे कॉलेज ऑफ एज्युकेशन,सांगली येथे माजी मुख्यमंत्री श्री. वसंतदादा पाटील यांची जयंती साजरी करण्यात आली. यावेळी सुरुवातीस सर्व बी.एड व एम.एड स्टाफ व उप-प्राचार्या डॉ.दीपा बिरनाळे यांनी श्री वसंतदादा पाटील यांच्या प्रतिमेस हार घालून अभिवादन केले.प्रास्ताविक सहा प्रा.श्री.चांदणे.एस.व्ही. सर यांनी केले. त्यानंतर अध्यक्षीय मनोगतात महाविद्यालयाच्या उप – प्राचार्या डॉ. दीपा बिरनाळे यांनी वसंतदादा पाटील यांच्या सामाजिक, शैक्षणिक तसेच राजकीय संघर्ष करून महाराष्ट्रात मुख्यमंत्री पदापर्यंत त्यांची लक्षणीय झेप घेतली. याबरोबरच आमच्या संस्थेचे संस्थापक मा.आमदार श्री. आप्पासाहेब बिरनाळे यांनी दादांना सहकार्य करून सांगली मध्ये त्यांना साथ दिली.याविषयी माहिती व मार्गदर्शन केले. सदर कार्यक्रमाचे आभार सहा. प्रा. होनमाने पी पी यांनी मानले. सदर कार्यक्रम यशस्वीतेसाठी संस्था चेअरमन श्री समीर बिरनाळे,संस्था डायरेकटर श्री सागर बिरनाळे यांचा मोलाचा पाठिंबा असतो त्यामुळे असे कार्यक्रम यशस्वी होतात.

“शिक्षक हा स्वतः कला गुणसंपन्न असेल तरच सर्वगुण संपन्न विद्यार्थी घडतील” -सहा.प्रा.चांदणे.एस.व्ही. सांगली गुरुवार दि.04/09/2025
आप्पासाहेब बिरनाळे कॉलेज ऑफ एज्युकेशन, सांगली.येथे बी.एड., एम.एड. 5 सप्टेंबर शिक्षक दिन साजरा करण्यात आला.सदरच्या कार्यक्रमात सुरुवातीस कार्यक्रमाचे अध्यक्ष उप-प्राचार्या सहा. प्रा.डॉ.दीपा बिरनाळे, प्रमुख पाहुणे सहा.प्रा.चांदणे एस. व्ही. व मान्यवर यांचे हस्ते डॉ. सर्वपल्ली राधाकृष्णन यांच्या प्रतिमेस पुष्पहार अर्पण करून उदघाट्न करण्यात आले.या कार्यक्रमाचे प्राध्यापक मनोगतात ,सहा.प्रा. माने.एस.जी.यांनी आपले मनोगत व्यक्त केले. त्यांनी विद्यार्थी हा आजन्म विद्यार्थी कसा असतो यासंबंधी उत्कृष्ट असे मनोगत व्यक्त केले.यानंतर विद्यार्थी मनोगतात ऋतुजा जाधव यांनी सर्व प्राध्यापकांना शिक्षक दिनाच्या शुभेछया दिल्या.स्नेहल रोटे यांनी शिक्षक म्हणजे काय? ही कविता सादर केली. व भक्ती पाटील यांनी देखील आपले मनोगत केले. त्यानंतर कार्यक्रमाचे प्रमुख पाहुणे -सहा.प्रा.चांदणे एस.व्ही. यांनी आपले मनोगत व्यक्त केले. त्यामध्ये त्यांनी शिक्षक दिन हा शिक्षकांच्या निस्वार्थ सेवेचा आणि निष्ठेचा सन्मान करण्यासाठी साजरा केला जातो.
शिक्षक हे विद्यार्थ्यांच्या आयुष्यात योग्य दिशा दाखवणारे मार्गदर्शक असतात, ते पुस्तकी ज्ञानासोबतच संस्कार आणि व्यक्तिमत्त्व विकासालाही महत्त्व देतात. तसेच खरा शिक्षक हा केवळ पुस्तकी ज्ञान देत नाही, तर विद्यार्थ्यांच्या व्यक्तिमत्त्वाची जडणघडण करतो.
शिक्षक विद्यार्थ्यांना योग्य आणि अयोग्य यातील फरक शिकवतात आणि समाजाप्रती जबाबदारीची जाणीव करून देतात.
ते विद्यार्थ्यांच्या जीवनात प्रकाश पेरतात आणि त्यांना योग्य दिशा दाखवतात, असे मानले जाते. असेही ते म्हणाले. त्यानंतर कार्यक्रमाचे अध्यक्ष महाविद्यालयाचे उप-प्राचार्य सहा. प्रा.डॉ.दीपा बिरनाळे यांनी आजच्या शिक्षकांना बी.एड. एम. एड. सारख्या शिक्षक शिक्षण अभ्यासक्रमातून परिपूर्ण शिक्षण मिळते. तसेच या विदयार्थ्यामध्ये Drastic change होताना भविष्यात पिढी घडवण्यासाठी ते सक्षम बनतात.असेही त्या म्हणाल्या या कार्यक्रमाचे सूत्रसंचालन अश्विनी शिंदे यांनी, तसेच प्रास्ताविक पल्लवी मिसाळ व आभार भारती कोरे यांनी मानले सदरच्या कार्यक्रमाचे नियोजन स्नेहल रोटे , भक्ती पाटील, अश्विनी शिंदे या प्रशिक्षणार्थिनी केले होते. या कार्यक्रमासाठी उत्कृष्ट फलकलेखन प्रमिला सुतार यांनी केले होते.यावेळी सर्व बी.एड.,एम.एड चे सहयोगी,सहायक प्राध्यापक, इतर कर्मचारी उपस्थित होते.असे कार्यक्रम यशस्वी होण्यासाठी संस्था चेअरमन श्री.समीर बिरनाळे, संस्था डायरेकटर श्री. सागर बिरनाळे यांची सतत प्रेरणा असतें.

“आप्पासाहेब बिरनाळे कॉलेज ऑफ एज्युकेशन,सांगली येथे एम.एड.अभ्यासक्रम उद्बोधन कार्यशाळा व नवागत स्वागत समारंभ उत्साहात संपन्न” सांगली दि.07/10/2025 आप्पासाहेब बिरनाळे कॉलेज ऑफ एज्युकेशन,सांगली येथे एम.एड.सेम एक अभ्यासक्रम उद्बोधन कार्यशाळा व स्वागत समारंभाचे आयोजन करण्यात आले होते.एम.एड.चे सहा.प्रा. श्री.चांदणे एस.व्ही.सहा. प्रा. पाटोळे व्ही.एन. सहा. प्रा. होनमाने पी.पी.सहा. प्रा. माने एस. जी.यांनी वेळापत्रकानुसार संपूर्ण दिवसभर एम.एड.सेमिस्टर एक मधील अभ्यासक्रमाची सर्व पेपर्स चे उद्बोधन केले यामध्ये वेळापत्रकानुसार 11.30 ते 5.00 या वेळेत अनुक्रमे 1) सहा.प्रा.चांदणे एस. व्ही. – “Philosophy of Education “2) सहा. प्रा. पाटोळे व्ही. एन.-“Psychology of learner and Learning” 3) सहा.प्रा. माने एस.जी.” Basics of Educational Research” 4) सहा.प्रा. होनमाने पी.पी. “Educational Guidance and Counselling ” या पेपर्स चे Syllabus Orientation अतिशय उत्कृष्ट पद्धतीने घेतले.त्यानंतर प्रशिक्षणार्थीचा स्वागत समारंभ आयोजित करण्यात आला.यामध्ये प्रास्ताविक व स्वागत प्रा.पाटोळे व्ही.एन.यांनी केले.त्यानंतर कार्यक्रमाच्या अध्यक्षा उप-प्राचार्या डॉ.दिपा बिरनाळे यांनी आपल्या अध्यक्षीय मनोगतात सुरुवातीस सर्व नवागत प्रशिक्षणार्थी चे स्वागत केले व महाविद्यालयातील भौतिक सुविधा,ग्रंथालय सदैव आपल्यासाठी खुले राहील,तसेच परिपूर्ण माहिती साठी या सर्व शैक्षणिक विभागाचे सर्व प्राध्यापक आपणास सदैव उपलब्ध असतील .आपल्यास लागेल ती शैक्षणिक मदत आपणास देण्यास आम्ही तत्पर आहोत.असे सांगितले.त्यानंतर ऑफिस क्लार्क श्री .कौतुक काटकर यांनी पात्रतेसाठी लागणारी कागदपत्रे याबद्दल सूचना दिल्या.त्यानंतर शेवटी प्रा .श्री.चांदणे एस. व्ही.यांनी सर्वांचे धन्यवाद व आभार मानले. यावेळी बहुसंख्य एम.एड. प्रशिक्षणार्थी उपस्थित होते.

आप्पासाहेब बिरनाळे कॉलेज ऑफ एज्युकेशन सांगली मधील एम.एड.सेम एक मधील प्रशिक्षणार्थिं 1) संदीप पाटील व 2) प्रतिक्षा बोरकर यांना मान. जयंतराव पाटील यांचे हस्ते व्हेव्हन हॉल, आष्टा येथे “शिक्षक सन्मान”पुरस्काराने सन्मानित करण्यात आले.त्याबद्दल महाविद्यालयातर्फे हार्दिक अभिनंदन

.”आप्पासाहेब बिरनाळे कॉलेज मध्ये एम.एड. विभागातर्फे “How to write Research Paper in Mixed Method “या विषयावर सहा. प्रा.माने एस. जी यांचे माहितीपर व्याख्यानाने कार्यशाळेची सांगता” सांगली. शनिवार दि. 13/09/2025 आप्पासाहेब बिरनाळे कॉलेज मध्ये एम.एड. विभागातर्फे संशोधन पेपर कसा लिहावा? या विषयावर ऑनलाईन कार्यशाळेस शनिवार दि 16/08/2025 पासून सुरुवात झाली.यामध्ये शोधनिबंधाचा Research Paper कसा लिहावा? मध्ये
शीर्षक (Title): सारांश (Abstract):
साहित्य आढावा (Literature Review):
पद्धती (Methodology):
निष्कर्ष (Results),
चर्चा (Discussion),
संदर्भ सूची (References)याविषयीं मार्गदर्शन करण्यात आले होते. त्यानंतर शनिवार दि 23/08/2025 रोजी त्या पुढच्या सहा.प्रा.चांदणे एस.व्ही.यांनी Survey Method नुसार Research पेपर कसा लिहावा याची माहिती स्पष्ट केली. पुढील शनिवार दि. 30/08/2025 रोजी सहा.प्रा.होनमाने पी.पी. यांनी “How to write Research Paper in Historical Method ” या विषयावर व्याख्यान दिले.त्यानंतर शनिवार दि. 06/09/2025 रोजी सहा प्रा. पाटोळे व्ही एन यांनी प्रायोगिक संशोधन पद्धती नुसार संशोधन पेपर कसा लिहावा याविषयीं माहिती दिली त्यांनतर आज दि. 13/09/2025 रोजी सहा. प्रा. माने एस जी यांनी यामध्ये मिश्र संशोधन पेपर साठी महत्वाचे मुद्द्यावर दृष्टिक्षेप टाकला. 1) मिश्र संशोधन पेपर चे प्रकार 2) मिश्र संशोधन पेपरचे विस्तृत स्वरूप 3) मिश्र संशोधन पेपर लिहितानाच्या एकूण 10 पायऱ्या तसेच 4) मिश्र संशोधन पेपर लिहिताना प्रस्तावनेत कोणते प्रश्न विचारावेत? याविषयी सर्व इत्यंभूत माहिती सहभागी ना विस्तृत पणे सांगितली. त्याचवेळी मिश्र संशोधन पेपर साठी ज्या पद्धती वापरल्या जातात. त्या प्रत्येक प्रकार /पद्धतीचे उदाहरणासहित प्रभावी स्पष्टीकरण दिले. आजच्या कार्यशाळेमध्ये प्रमुख मार्गदर्शक सहा. प्रा.माने एस.जी. यांचा परिचय सहा. पाटोळे व्ही.एन.यांनी करून दिला. तर कार्यशाळेचे आभार सहा.प्रा. होनमाने पी.पी.यांनी मानले. Workshop Technical Head या नात्याने सहा.प्रा.माने एस.जी.यांनी संपूर्ण कार्यशाळेत PPT Presentation साठी सर्व मार्गदर्शकांना मदत करून आपली जबाबदारी पार पाडली. तसेच सदर workshop यशस्वी होण्यासाठी उप -प्राचार्या डॉ.दीपा बिरनाळे यांचे विशेष मार्गदर्शन मिळाले.सदरची कार्यशाळेची आज 13 सप्टेंबर सांगता झाली. सदरचे नवनवीन उपक्रम घेण्यासाठी संस्था नेहमी पुढाकार घेऊन पाठिंबा देत असतें.त्यामुळेच आपल्या महाविद्यालयातून बाहेर पडणाऱ्या प्रशिक्षणार्थ्यामध्ये संशोधन दृष्टी भिमुखता मध्ये वाढ होत आहे.

“आप्पासाहेब बिरनाळे कॉलेज ऑफ एज्युकेशन सांगली येथे एकदिवसीय राष्ट्रीय परिषदेचे यशस्वी आयोजन” शनिवार दि. 20 सप्टेंबर 2025 आप्पासाहेब बिरनाळे कॉलेज ऑफ एज्युकेशन सांगली येथे One day National conference अतिशय उत्साहात पार पडली.या कार्यक्रमामध्ये सकाळी 10 वाजलेपासून सायंकाळी 5.00 वाजेपर्यंत उदघाट्न कार्यक्रम, प्रथम सत्र, दुसरे सत्र अशा तीन टप्प्यात सदरची कार्यशाळा नियोजनबद्ध रित्या संपन्न झाली. सुरुवातीला वसंतराव बंडुजी पाटील ट्रस्टचे चेअरमन मा.श्री. समीर बिरनाळे सर यांच्या अध्यक्षतेखाली, शिवाजी विद्यापीठ शिक्षणशास्त्र विभागाच्या अधिष्ठाता डॉ.मेघा गुळवणी मॅडम
व शिक्षणशस्त्र विभागाचे अभ्यास मंडळाचे अध्यक्ष डॉ.बी. पी.मरजे सर या उदघाटन कार्यक्रमाचे प्रमुख पाहुणे होते. यावेळी या कॉन्फरन्स च्या द्वितीय सत्रात संबोधित करणारे प्रमुख वक्ते सोलापूर विद्यापीठातील शिक्षणशस्त्र विभागाचे अभ्यास मंडळाचे अध्यक्ष डॉ.अश्विन बोन्दार्डे सर,प्रथम सत्रात संबोधित करणारे शिवाजी विद्यापीठातील शिक्षणशास्त्र विभागातील सहाय्यक प्राध्यापक डॉ.विद्यानंद खंडागळे सर तसेच डॉ.सुशीलकुमार सर उपस्थित होते.या मान्यवरांचे स्वागत सहा. प्रा. रमेश माने सर यांनी केले. त्यानंतर प्रास्ताविक उपप्राचार्या डॉ. दीपा बिरनाळे यांनी केले यामध्ये त्यांनी संस्थेची पार्श्वभूमी तसेच आजच्या कॉन्फरंस घेण्यामागचा उद्देश स्पष्ट केला.त्यानंतर विद्यापीठ गुणवत्ता यादीत आलेल्या बी एड एन एड प्रशिक्षणार्थ्यांचा व सेट पात्र प्रशिक्षणार्थ्यांचा सत्कार करण्यात आला.. यावेळी प्रमुख पाहुण्या डॉ. मेघा गुळवणी यांनी आपल्या मनोगतात AI आणि आजचा शिक्षक याविषयीं आपले मत व्यक्त केले. तसेच दुरारे प्रमुख पाहुणे डॉ.बी.पी.मरजे सर यांनी अशा पद्धतीची कॉन्फरंस माध्यमिक स्तरावरील शिक्षक डोळ्यासमोर ठेऊन आपण आयोजित केलीत याबद्दल आपल्या मनोगतात समाधान व्यक्त केले.त्यानंतर उदघाट्न कार्यक्रमाचे अध्यक्ष मा.श्री.समीर बिरनाळे सर यांनी कॉलेज च्या प्रगतीविषयी कौतुक केले. व अशा प्रकारच्या राष्ट्रीय चर्चासत्र, सेमिनार, कार्यशाळा आमच्या महाविद्यालयात घेण्यात याव्यात यासाठी आप्पासाहेब बिरनाळे संकुल सदैव अशा उपक्रमासाठी खुले राहील. तसेच ज्ञानाची देवाणघेवाण करण्यासाठी व शिक्षकांची आजच्या ज्वलंत विषयावर प्रबोधन होण्यासाठी आम्ही कटीबद्ध राहू. असे सांगितले.सदर कार्यक्रमास शिवाजी विद्यापीठातील शिक्षणशास्त्र विभागप्रमुख डॉ. सी.पी.सोनकांबळे व संस्था डायरेकटर श्री.सागर बिरनाळे सर,प्राचार्य डॉ.पी.के.पाटील सर त्यांच्या कार्यक्रम व्यस्ततेमुळे येऊ शकले नसले तरी त्यांनी या कॉन्फरेन्स साठी शुभेछया दिल्या होत्या.या उदघाट्न समारंभाचे आभार सहा.प्रा.श्री.चांदणे एस. व्ही.यांनी मानले. त्यांनतर प्रथम सत्र सुरु झाले यामध्ये सहा.प्रा.कीर्तिकर वाय.एस.यांनी डॉ.व्ही. एन.खंडागळे सर यांचे स्वागत व परिचय करून दिला.डॉ.व्ही. एन.खंडागळे सर यांनी या प्रथम सत्रास संबोधित करताना”Reframing Inclusive Education: From Policy to practice in Diverse India Classroom” या विषयाची अतिशय समर्पक व विस्तृत अशी मांडणी केली. त्यानंतर प्रश्नोत्तर सेशन मध्ये या विषयात येणाऱ्या सर्व शंकाचे समाधान केले. त्यांनतर सहा.प्रा. पाटोळे व्ही.एन.यांनी या प्रथम सत्राचे आभार मानले. या बौद्धिक खाद्याबरोबरच दुपारी आमचे मेसचालक हरिभाऊ यांच्या हातचा येथेच्छ, रुचकर भोजनाचा आस्वाद सर्वांनी घेतला. विशेष म्हणजे या जेवणाच्या मेन्यूमध्ये “गोड मोदक” सर्वांच्या आकर्षणाचा केंद्रबिंदू होता. त्यांनतर दुपारी ठीक 2.30 वाजता दुसरे सेशन सुरु झाले यामध्ये डॉ.ए.के.बोन्दार्डे सर यांचा परिचय सहा.प्रा.जाधव एस.ए. यांनी करून दिला.यामध्ये डॉ.ए.के.बोन्दार्डे सर यांनी”The changing role of teachers and students in pedagogy enriching and learning through Artificial Intelligence.”या विषयावर आपल्या व्याख्यानास सुरुवात केली. व सर्वांच्या मनातील AI या विषयावर साधक-बाधक चर्चा झाली.त्यांनी माध्यमिक शिक्षकांचे सर्व प्रश्न समजून त्यांना उत्तरे दिली. त्यांनतर ठीक 4.30 वा. या कॉन्फरन्स ची सांगता झाली. या व दिवसभराच्या संपूर्ण सत्राचे आभार शेवटी सहा.प्रा.होनमाने पी.पी. यांनी मानले. यामध्ये श्रुतिका निर्मळे व प्रमिला सुतार यांनी उत्कृष्ट सूत्रसंचालन केले.
दोन्ही सत्राचे Technical Head, PPT प्रेसेंटेशनची जबाबदारी सहायक प्रा.माने एस.जी.यांनी सांभाळली. या कॉन्फरन्ससाठी विविध राज्यातून, जिल्ह्यातून जवळपास 300 सहभागीनी ऑनलाईन व ऑफलाईन अशा दोन्ही पद्धतीने नोंदणी केली होती. त्याचबरोबर आमच्या महाविद्यालयातील प्रशिक्षनार्थी नी volunteer म्हणून आपली जबाबदारी योग्यरित्या सांभाळली. कार्यालयीन सेवक समीर मुजावर, कौतुक काटकर,भरत खवाटे, अमोल सकळे यांनी संपूर्ण पणे लागेल तिथे मदत केली त्याबद्दल त्यांचे विशेष आभार,संपूर्ण कॉन्फरन्ससाठी उप-प्राचार्या डॉ. दीपा बिरनाळे यांनी संस्था, प्राध्यापक वर्ग, सर्व कर्मचारी यांचा योग्य समन्वय साधून या Conference च्या निमित्ताने आपल्या कामाचा ठसा उमटविला आहे. यशस्वीतेबद्दल त्यांनी सर्वांचे अभिनंदन केले व आभार मानले.

EDU-VISION 360 AI DRIVEN PEDAGOGIES AND INCLUSIVE FUTURES IN THE INDIAN CLASSROOM

असाध्य रोगापासून सुटका होण्यासाठी व मनःशांतीसाठी योगासने फार महत्त्वाची -श्री.हर्षद गाडगीळ
आप्पासाहेब बिरनाळे कॉलेज ऑफ एज्युकेशन सांगली. येथे “One Earth, One Health” या slogan च्या अनुषंगाने दि. 21/06/2025 रोजी योग दिन साजरा करण्यात आला. या प्रसंगी सुरुवातीला प्रमुख व्याख्याता व योग मार्गदर्शक म्हणून -श्री.हर्षद गाडगीळ ( विश्वयोगदर्शन केंद्र, मिरज) होते. यासंदर्भात त्यांनी असे सांगितले की, अभ्यास सुरू करण्यापूर्वी सूक्ष्म व्यायाम जरूर करावा. त्यामुळे स्नायू, मज्जातंतू व हाडांचे सांधे मोकळे होवून हालचाली सुलभ होतील व आसनस्थिती जमण्यास सोपे होईल. त्यामुळे शरीर सुलभ होण्यासाठी योग फार महत्त्वाचे आहे, असे सांगितले. त्यानंतर ताडासन, अर्ध मत्स्यासन , द्विपादासन, कपालभारती, अनुलोम विलोम अशा विविध प्रकारची आसने करवून घेण्यात आली. यावेळी बी.एड.व एम.एड.चे सर्व प्रशिक्षणार्थी , प्राचार्य,सहयोगी प्राध्यापक, सहा. प्राध्यापक व इतर कर्मचारी उपस्थित होते. सदरच्या कार्यक्रमासाठी संस्था चेअरमन श्री. समीर बिरनाळे, डायरेक्टर श्री. सागर बिरनाळे यांचा सततचा पाठिंबा असतो.

” वसंतदादा पाटील आयुर्वेद कॉलेज तर्फे बी.एड एम.एड. कॉलेज च्या कर्मचाऱ्यांची मोफत आरोग्य तपासणी शिबीर उत्साहात संपन्न” शुक्रवार दि.20/06/2025 आरोग्य तपासणी शिबिर म्हणजे आरोग्य तपासणीसाठी आयोजित केलेले शिबिर. यात विविध आरोग्य तपासण्या जसे की, रक्तदाब, रक्तातील साखर, हिमोग्लोबिन, वजन, उंची इत्यादी तपासल्या जातात. लोकांना त्यांच्या आरोग्याची माहिती मिळावी आणि आवश्यक असल्यास पुढील उपचारांसाठी मार्गदर्शन मिळावे यासाठी शिबिरांचे आयोजन केले जाते. अशाच प्रकार श्री.वसंतराव बंडुजी पाटील ट्रस्टचे,वसंतदादा पाटील आयुर्वेद कॉलेज सांगली यांचेमार्फत शुक्रवारी दि. 20/06/2025 रोजी आप्पासाहेब बिरनाळे कॉलेज ऑफ एज्युकेशन, सांगली या बी.एड.एम.एड शाखेतील प्राचार्य, प्राध्यापक तसेच इतर कर्मचारी यांचे मोफत जनरल बॉडी हेल्थ चेकअप करण्यात आले. सदर तपासणी मध्ये बी.पी., शुगर,कान नाक घसा, डोळे तपासणे तसेच युरीन,ब्लड चाचण्या तज्ज्ञ डॉक्टर कडून घेण्यात आल्या. यावेळी रुग्णालयात होणाऱ्या सर्व तपासण्या तसेच सर्व विभाग यामध्ये कशा प्रकारचे कार्य चालते याविषयी इतयंभूत माहिती मिळाली. यावेळी प्राचार्य, प्राध्यापक व इतर कर्मचारी यांना तपासणी दरम्यान येणाऱ्या शंकाचे समाधान करण्यात आले. सर्व उपक्रमाची अंमलबजावणी करण्यासाठी संस्था चेअरमन श्री. समीर बिरनाळे सर व संस्था डायरेक्टर श्री. सागर बिरनाळे सर यांचा सतत पाठिंबा असतो

”वाचन संकल्प महाराष्ट्राचा” या उपक्रमा अंतर्गत दिनांक 6 जानेवारी 2025 रोजी स्थानिक रोजी लेखक व विद्यार्थी वाचन संवाद हा उपक्रम घेण्यात आला हा उपक्रम घेण्यात आला .उपक्रमात मा. प्रा श्री. वाय.एस.कीर्तीकर उपस्थित होते.

”वाचन संकल्प महाराष्ट्राचा” या उपक्रमा अंतर्गत दिनांक 2 जानेवारी 2025 रोजी स्थानिक लेखक परिसंवाद वन व साहित्याची ओळख हा उपक्रम घेण्यात आला उपक्रमात माननीय प्राध्यापक श्री. संदीप पवार उपस्थित होते. महाविद्यालयातील बी. एड. आणि एम. एड विभागातील विद्यार्थिनीं या उपक्रमा मध्ये सहभाग घेतला.

वाचन संकल्प महाराष्ट्राचा या उपक्रमा अंतर्गत दिनांक1जानेवारी 2025वाचन कौशल्य कार्यशाळा व पुस्तकांचे सामूहिक वाचन हा उपक्रम आप्पासाहेब बिरनाळे कॉलेज ऑफ एज्युकेशन सांगली या महाविद्यालयातील बी. एड. आणि एम. एड विभागातील विद्यार्थिनीं या उपक्रमा मध्ये सहभाग घेतला.

शिवाजी विद्यापीठ कोल्हापूर अंतर्गत4 जानेवारी 2025 च्या परिपत्रकानुसार वाचन संकल्प महाराष्ट्राचा’ या उपक्रमा अंतर्गत दिनांक 2 जानेवारी 2025 रोजी महाविद्यालयीन ग्रंथालयात ग्रंथ प्रदर्शन – Appasaheb Birnale College of Architecture महाविद्यालय विद्यार्थ्यां ग्रंथालया ग्रंथ प्रदर्शनास भेट -ग्रंथ प्रदर्शनासाठी विद्यार्थ्यांचा सहभागाची पुढील प्रमाणे छायाचित्रे

शिवाजी विद्यापीठ कोल्हापूर अंतर्गत 24 डिसेंबर 2024 च्या परिपत्रकानुसार ‘वाचन संकल्प महाराष्ट्राचा’ या उपक्रमा अंतर्गत दिनांक 3 जानेवारी 2025 रोजी महाविद्यालयीन ग्रंथालयात ग्रंथ प्रदर्शनासाठी विद्यार्थ्यांचा सहभागाची पुढील प्रमाणे छायाचित्रे

शिवाजी विद्यापीठ कोल्हापूर अंतर्गत 24 डिसेंबर 2024 च्या परिपत्रकानुसार वाचन संकल्प महाराष्ट्राचा’ या उपक्रमा अंतर्गत दिनांक 2 जानेवारी 2025 रोजी महाविद्यालयीन ग्रंथालयात ग्रंथ प्रदर्शन – अप्पासाहेब बिरनाळे पब्लिक स्कूल सांगली मधील इयत्ता 8 वी च्या विद्यार्थ्यांची ग्रंथालय प्रदर्शनास भेट पुढील प्रमाणे छायाचित्रे

शिवाजी विद्यापीठ कोल्हापूर अंतर्गत 24 डिसेंबर 2024 च्या परिपत्रकानुसार ‘वाचन संकल्प महाराष्ट्राचा’ या उपक्रमा अंतर्गत दिनांक 2 जानेवारी 2025 रोजी महाविद्यालयीन ग्रंथालयात ग्रंथ प्रदर्शनासाठी विद्यार्थ्यांचा सहभागाची पुढील प्रमाणे छायाचित्रे

शिवाजी विद्यापीठ कोल्हापूर अंतर्गत 24 डिसेंबर 2024 च्या परिपत्रकानुसार ‘वाचन संकल्प महाराष्ट्राचा’ या उपक्रमा अंतर्गत दिनांक 1 जानेवारी 2025 रोजी महाविद्यालयीन ग्रंथालयात ग्रंथ प्रदर्शनासाठी विद्यार्थ्यांचा सहभागाची पुढील प्रमाणे छायाचित्रे

शिवाजी विद्यापीठ कोल्हापूर अंतर्गत 24 डिसेंबर 2024 च्या परिपत्रकानुसार ‘वाचन संकल्प महाराष्ट्राचा’ या उपक्रमा अंतर्गत दिनांक 30 डिसेंबर 2024 व 31डिसेंबर 2024 रोजी महाविद्यालयीन ग्रंथालयात ग्रंथ प्रदर्शनासाठी विद्यार्थ्यांचा सहभागाची पुढील प्रमाणे छायाचित्रे

शिवाजी विद्यापीठ कोल्हापूर अंतर्गत 24 डिसेंबर 2024 च्या परिपत्रकानुसार ‘वाचन संकल्प महाराष्ट्राचा’ या उपक्रमा अंतर्गत दिनांक 27 डिसेंबर 2024 व 28 डिसेंबर 2024 रोजी महाविद्यालयीन ग्रंथालयातील उपविभागाची स्वच्छता केली व ‘वाचन संकल्प महाराष्ट्राचा’ या उपक्रमास सुरुवात केली… त्याची काही छायाचित्रे पुढीलप्रमाणे

बिरनाळे शिक्षणशास्त्र महाविद्यालयाचे सात विद्यार्थी एम. एड मध्ये विद्यापीठाच्या गुणवत्ता यादीत.

आप्पासाहेब बिरनाळे सांगली शिक्षणशास्त्राची सारिका मालेकर एम एड मध्ये विद्यापीठात प्रथम

“आप्पासाहेब बिरनाळे कॉलेज ऑफ एज्युकेशन सांगली येथे वाचन प्रेरणा दिन विविध उपक्रमानी साजरा ”

शिवाजी विद्यापीठ, कोल्हापूर बॅ. बाळासाहेब खर्डेकर ज्ञान-स्रोत केंद्र व आप्पासाहेब बिरनाळे कॉलेज ऑफ एज्युकेशन, सांगली. यांचे संयुक्त विद्यमाने, भारताचे माजी राष्ट्रपती दिवंगत डॉ.ए.पी.जे. अब्दुल कलाम यांना सार्थ आदरांजली अर्पण करण्यासाठी महाराष्ट्र शासनाने सन २०१५ पासून डॉ. ए. पी. जे. अब्दुल कलाम यांचा १५ ऑक्टोबर हा जन्मदिवस वाचन प्रेरणा दिन म्हणून साजरा करण्याचे घोषित केले आहे. यानुसार सन २०१५ पासून शिवाजी विद्यापीठामध्ये वाचन प्रेरणा दिन मोठ्या उत्साहाने व अत्यंत उत्तम पद्धतीने साजरा केला जातो. वाचन प्रेरणा व संस्कृतीचा विकास ही सातत्याने चालणारी प्रक्रिया असून ज्ञानसंपन्न व माहिती समृद्ध समाजाची जडण घडण, व्यक्तिमत्व विकास, साहित्य विकास आणि भाषा विकास यासाठी वाचन संस्कृतीचा विस्तार व विकास अत्यावश्यक असल्यामुळे वाचन प्रेरणा दिन उपक्रम उत्साहात साजरा करणे गरजेचे आहे. या वाचन प्रेरणा दिवसाच्या अनुषंगाने यावर्षी छत्रपती शिवाजी महाराज यांच्या ३५० व्या राज्याभिषेक सोहळ्याच्या मजकुराचे वाचन करावे. असे सांगितले होते त्यानुसार आम्ही दि. १५ ऑक्टोबर, २०२४ रोजी महाविद्यालयात ‘वाचन प्रेरणा दिन’ जसा बैनर तयार करून घेतला व कार्यक्रम साजरा करताना तो योग्य ठिकाणी सर्वाच्या निदर्शनास येईल अशा पद्धतीने लावून घेतला दि. 15 ऑक्टोबर रोजी सकाळी १०.३० ते ११.०० यादरम्यान या उपक्रमाचे आयोजन केले, यामध्ये सकाळी १०.३० ते १०.४५ या वेळेत डॉ. ए. पी. जे. अब्दुल कलाम यांच्या प्रतिमेचे पूजन महाविद्यालयाचे प्राचार्य डॉ पी के पाटील यांनी केले व सकाळी १०.४५ ते ११.०० या वेळेत प्रत्यक्ष वाचन बी. एड., एम.एड प्रशिक्षणार्थिकडून करवून घेतले सदर कार्यक्रमामध्ये संस्थाचालक, प्राचार्य, शिक्षक, शिक्षकेत्तर सेवक, माजी विद्यार्थी इ. यांचा सहभाग होता. सदर कार्यक्रमांचे सूत्रसंचालन व प्रास्ताविक होनमाने पी. पी व आभार सहा. प्रा डॉ. दिपा बिरनाळे यांनी मानले.

“आप्पासाहेब बिरनाळे कॉलेज ऑफ एज्युकेशन सांगली येथे वाचन प्रेरणा दिन विविध उपक्रमानी साजरा ”

शिवाजी विद्यापीठ, कोल्हापूर बॅ. बाळासाहेब खर्डेकर ज्ञान-स्रोत केंद्र व आप्पासाहेब बिरनाळे कॉलेज ऑफ एज्युकेशन, सांगली. यांचे संयुक्त विद्यमाने, भारताचे माजी राष्ट्रपती दिवंगत डॉ.ए.पी.जे. अब्दुल कलाम यांना सार्थ आदरांजली अर्पण करण्यासाठी महाराष्ट्र शासनाने सन २०१५ पासून डॉ. ए. पी. जे. अब्दुल कलाम यांचा १५ ऑक्टोबर हा जन्मदिवस वाचन प्रेरणा दिन म्हणून साजरा करण्याचे घोषित केले आहे. यानुसार सन २०१५ पासून शिवाजी विद्यापीठामध्ये वाचन प्रेरणा दिन मोठ्या उत्साहाने व अत्यंत उत्तम पद्धतीने साजरा केला जातो. वाचन प्रेरणा व संस्कृतीचा विकास ही सातत्याने चालणारी प्रक्रिया असून ज्ञानसंपन्न व माहिती समृद्ध समाजाची जडण घडण, व्यक्तिमत्व विकास, साहित्य विकास आणि भाषा विकास यासाठी वाचन संस्कृतीचा विस्तार व विकास अत्यावश्यक असल्यामुळे वाचन प्रेरणा दिन उपक्रम उत्साहात साजरा करणे गरजेचे आहे. या वाचन प्रेरणा दिवसाच्या अनुषंगाने यावर्षी छत्रपती शिवाजी महाराज यांच्या ३५० व्या राज्याभिषेक सोहळ्याच्या मजकुराचे वाचन करावे. असे सांगितले होते त्यानुसार आम्ही दि. १५ ऑक्टोबर, २०२४ रोजी महाविद्यालयात ‘वाचन प्रेरणा दिन’ जसा बैनर तयार करून घेतला व कार्यक्रम साजरा करताना तो योग्य ठिकाणी सर्वाच्या निदर्शनास येईल अशा पद्धतीने लावून घेतला दि. 15 ऑक्टोबर रोजी सकाळी १०.३० ते ११.०० यादरम्यान या उपक्रमाचे आयोजन केले, यामध्ये सकाळी १०.३० ते
[12:05 pm, 16/10/2024] Mom: १०.४५ या वेळेत डॉ. ए. पी. जे. अब्दुल कलाम यांच्या प्रतिमेचे पूजन महाविद्यालयाचे प्राचार्य डॉ पी के पाटील यांनी केले व सकाळी १०.४५ ते ११.०० या वेळेत प्रत्यक्ष वाचन बी. एड., एम.एड प्रशिक्षणार्थिकडून करवून घेतले सदर कार्यक्रमामध्ये संस्थाचालक, प्राचार्य, शिक्षक, शिक्षकेत्तर सेवक, माजी विद्यार्थी इ. यांचा सहभाग होता. सदर कार्यक्रमांचे सूत्रसंचालन व प्रास्ताविक होनमाने पी. पी व आभार सहा. प्रा डॉ. दिपा बिरनाळे यांनी मानले.

आप्पासाहेब बिरनाळे कॉलेज ऑफ एज्युकेशन मध्ये नवरात्री निमित्त हादगा व दांडिया उत्साहात संपन्न”* सांगली गुरुवार दि.10/10/2024 आप्पासाहेब बिरनाळे कॉलेज ऑफ एज्युकेशन, सांगली. येथे हादगा तसेच रास दांडियाचे नियोजन करण्यात आले होते. सकाळपासून सर्व बी.एड., एम.एड. प्रशिक्षणार्थिनी विविध प्रकारच्या वेशभूषेत आले होते. (राधा, गवळणी, कृष्ण, गोपिका इ.) तसेच सर्व प्राध्यापकांनी देखील त्या स्वरूपात आपल्या वेशभूषा केल्या होत्या त्यांनी सर्व विदयार्थ्यांकडून अतिशय छान पद्धतीने गरबा नृत्याची तयारी करवून घेतली होती. तसेच सर्व प्रशिक्षणार्थी तसेच प्राध्यापकांनी देखील त्या कार्यक्रमाचा आस्वाद घेतला. तसेच त्यापूर्वी हादगा व गरबा या पारंपरिक नृत्याचे कौशल्य प्रशिक्षणार्थीत निर्माण व्हावा हादेखील त्यामागील प्रमुख उद्देश होता. यादरम्यान विदयार्थ्यांनी हादगा साजरा करताना आणलेल्या विविध खाद्यपदार्थाचा आस्वाद सर्वांनी मिळून घेतला. त्यामुळे एक वेगळा आनंद सर्वांना प्राप्त झाला. यावेळी बहुसंख्य प्रशिक्षणार्थी उपस्थित होते. प्राचार्य डॉ पी. के. पाटील सर्व बी.एड. एम.एड.चे सहा. प्राध्यापक यांनी सर्व कार्यक्रम छान पद्धतीने पार पडतील यासाठी खूप मेहनत घेतली. त्यामुळे हा कार्यक्रम उत्कृष्ट झाला.

“आप्पासाहेब बिरनाळे कॉलेज मधील एम.एड. विभागातील शैक्षणिक वर्ष 2022-24 परीक्षेत शिवाजी विद्यापीठ गुणवत्ता यादीत सात विदयार्थ्यांचे सुयश ”
शनिवार दि.24/08/2024
आप्पासाहेब बिरनाळे कॉलेज मधील एम.एड. विभागातील शैक्षणिक वर्ष 2022-24 परीक्षेत शिवाजी विद्यापीठ गुणवत्ता यादीत एकूण सात क्रमांक पटकावले आहेत. ते गुणवंत विद्यार्थी खालील प्रमाणे –
विद्यापीठात प्रथम-मालेकर सारिका किसन
विद्यापीठात द्वितीय-तांडेल श्रद्धा विजय
विद्यापीठात तिसरा पाटील अनिता पोपट
विद्यापीठात चौथा अजेंठराव धनश्री गजानन विद्यापीठात सातवा – कुंभार माधुरी सुनील
विद्यापीठात आठवा – कुरळपकर प्रज्ञा
परीक्षित विद्यापीठात नववा – शेजाळ नानासाहेब दगडू
या प्रशिक्षणार्थ्यांना महाविद्यालयाचे प्राचार्य डॉ. पी. के पाटील सर, सहायक प्रा.डॉ दिपा बिरनाळे, सहयोगी प्रा. डॉ. रिहाना इनामदार, सहा.प्रा.चांदणे एस व्ही, सहा. प्रा. पाटोळे व्ही एन, सहा. प्रा. पाटील आर. ए. सहा.प्रा. होनमाने पी.पी, सहा. प्रा. माने एस जी. तसेच बी.एड स्टाफ सहा.प्रा. कीर्तिकर वाय एस, सहा. प्रा. माळी एस. के., सहा.प्रा.माने आर.बी. यांचे मार्गदर्शन मिळाले.तसेच संस्था चेअरमन श्री समीर बिरनाळे, डायरेकटर श्री. सागर बिरनाळे यांची प्रेरणा मिळाली.

“आप्पासाहेब बिरनाळे बी.एड. कॉलेज शैक्षणिक वर्ष 2022-24 चा निरोप समारंभ मोठ्या उत्साहात संपन्न ”
गुरुवार दि.25/04/2024 आप्पासाहेब बिरनाळे कॉलेज ऑफ एज्युकेशन, सांगली येथे शैक्षणिक वर्ष 2022-24 च्या छात्रध्यापकांचा निरोप समारंभ अत्यंत उत्साहाने साजरा करण्यात आला. यावेळी बी एड छात्रध्यापिका महादेवी नागापुरे यांनी सदर कार्यक्रमाचे प्रास्ताविक तसेच मान्यवरांचे स्वागत केले. यावेळी छत्रध्यापकांनी महाविद्यालयास एक आठवण रूपाने छोटीशी भेट म्हणून 1 cooler व 1 Water Purifier देण्यात आला. त्यानंतर एकूण बी एड मधील दोन वर्षाच्या कालावधीत आलेले अनुभव अनंत शहापुरे, रमेश खबाले, विश्वभर बंडगर, नम्रता एरंडोले यांनी शेअर केले. त्यानंतर प्राध्यापक मनोगतात सहा प्रा एस के माळी व सहा प्रा वाय एस कीर्तिकर यांनी विद्यार्थ्यांना भावी आयुष्यासाठी शुभेच्छा दिल्या. त्यानंतर अध्यक्षीय भाषण करताना प्राचार्य डॉ पी. के. पाटील सर यांनी आपण फक्त परीक्षार्थी न राहता आजन्म विदयार्थी असावे व त्यानुसार इथून पुढील आपल्या हाती येणाऱ्या सर्व पिढ्याना खरे ज्ञान प्राप्त होण्यासाठी प्रयत्नशील राहावे असे सांगितले. शेवटी छात्रध्यापिका सुचेता पाटील यांनी कार्यक्रमाचे आभार मानले. व कार्यक्रम संपन्न झाला सदर कार्यक्रमास प्राचार्य डॉ पी के पाटील डॉ दीपा बिरनाळे सहा प्रा एस के माळी सहा प्रा वाय एस कीर्तिकर, सहा प्रा माने आर बी, सहा प्रा चांदणे एस व्ही सहा प्रा पाटोळे व्ही एन सहा प्रा होनमाने पी पी सहा प्रा माने एस बी सहा प्रा कदम व्ही व्ही सहयोगी प्रा डॉ आर आय इनामदार सहा प्रा राहुल पाटील, समीर मुजावर, कौतुक काटकर, भारत खवाटे, अमोल इ. उपस्थित होते सदर कार्यक्रमांस संस्था चेअरमन श्री समीर बिरनाळे, संस्था डायरेकटर श्री सागर बिरनाळे यांनी शुभेच्छा दिल्या व असेच विद्यार्थी आपल्या संस्थेतून आपले नाव उज्ज्वल करोत अशा सदिच्छा दिल्या.

आप्पासाहेब बिरनाळे एम. एड. महाविद्यालयात 2022-24 प्रशिक्षणार्थिचा सदिच्छा समारंभ उत्साहात संपन्न..* शनिवार दि.25/05/2024 आप्पासाहेब बिरनाळेकॉलेज ऑफ एज्युकेशन (एम. एड.) सांगली. महाविद्यालयात 2022-24 मधील प्रशिक्षणार्थिंचा सदिच्छा समारंभ उत्साहात संपन्न झाला. शिवाजी विद्यापीठ कोल्हापूर एम.एड. अभ्यास क्रम एकूण दोन वर्षात व चार सेमिस्टर मध्ये पूर्ण केला जातो. त्यांतर्गत विविध प्रा त्यक्षिके, सेमिनार तसेच इतर सर्व कार्य पूर्ण करून घेतले जाते.. सदर परीक्षा कालच संपल्या व त्यानुसार आज त्यांचा सदिच्छा समारंभ आयोजित करण्यात आला होता. हा समारंभ या सर्व प्रशिक्षणार्थिनी स्वयंस्पुर्थीने आयोजित केला होता. यामध्ये महादेव केदार, नानासाहेब शेजाळ इतर सर्व सेम IV च्या प्रशिक्षणार्थिनी अतिशय योग्य नियोजन केले होते. सुरवातीला सर्व उपस्थितानी अतिशय स्वादिष्ट अशा भोजनाचा आस्वाद घेतला. व प्रत्यक्ष कार्यक्रमाचे उदघाट्न एका रोपट्यास पाणी घालून उपस्थित मान्यवरांच्या हस्ते करण्यात आले. सदर कार्यक्रमाचे प्रास्ताविक मंगेश शिंदे यांनी तर सूत्रसंचलन महादेव केदार यांनी केले होते. सुरवातीला माधुरी कुंभार, धनश्री अजेठराव, अनिता पाटील, नानासाहेब शेजाळ, महादेव केदार, दीपाली माने इ प्रशिक्षणार्थिनी नी आपले मनोगत व्यक्त केले. त्यानंतर सहा.प्रा. कीर्तिकर वाय एस, सहा.प्रा. चांदणे एस. व्ही., सहा.प्रा.पाटोळे व्ही. एन. सहा.प्रा.होनमाने पी.पी., सहा.प्रा.माने एस. जी. यांनी आपले मनोगत व्यक्त केले.
त्यानंतर सर्व मान्यवरांना भेट वस्तू 2022-24 च्या प्रशिक्षणार्थी चे हस्ते देण्यात आली. त्यानंतर महाविद्यालयाचे प्राचार्य डॉ.पी. के. पाटील यांनी अध्यक्षीय मनोगत व्यक्त केले. व प्रशिक्षणार्थिना मार्गदर्शन केले. यावेळी सहा प्रा.डॉ. दिपा बिरनाळे, सहा. प्रा. जाधव एस.ए सहयोगी प्रा. डॉ इनामदार आर आय, सहा प्रा. पाटील आर ए., ग्रंथपाल वाघ टी. ए., श्री. समीर मुजावर, श्री कौतुक काटकर, भरत खवाटे, अमोल सकळे उपस्थित होते. यावेळी सेम IV मधील सर्व प्रशिक्षणार्थी उपस्थित होते. सदर कार्यक्रमांस संस्था चेअरमन श्री. समीर बिरनाळे सर, संस्था डायरेकटर श्री. सागर बिरनाळे सर, यांनी शुभेच्छा दिल्या होत्या. त्यांच्या पाठिंब्यामुळे सदरचे कार्यक्रम यशस्वी होत आहेत.

* आप्पासाहेब बिरनाळे कॉलेज ऑफ एज्युकेशन, सांगली. येथे NAAC Peer Team Visit संपन्न *
आप्पासाहेब बिरनाळे कॉलेज ऑफ एज्युकेशन, सांगली. येथे NAAC Peer Team Visit संपन्न झाली. दि. 12/06/2024 व दि. 13/06/2024 या दोन दिवसात सदरची नॅक कमिटी महाविद्यालय तपासणीसाठी आलेले होते. यामध्ये तीन सदस्य उपस्थित होते. त्यामध्ये Prof. (Dr.Subrata Saha, Dr. Renu Nanda, Dr. Albert Dkhar त्याचबरोबर शिवाजी विद्यापीठ, कोल्हापूर. चे एक प्रतिनिधी उपस्थित होतेपहिल्या दिवशी महाविद्यालयाच्या प्रांगणात प्राचार्य डॉ.पी. के. पाटील सर, डॉ. दिपा बिरनाळे, तसेच सर्व बी.एड.एम.एड. सहयोगी व सहाय्यक प्राध्यापक, सर्व प्रशिक्षणार्थी यांनी कोल्हापुरी फेटा नेसवून, औक्षण करून तसेच पुष्प गुच्छ देऊन अतिशय छान पद्धतीने स्वागत केले. त्यानंतर एकूण सातही criteria नुसार NAAC कमिटीने सर्व कागदपत्रे व महाविद्यालय सोयीसुविधा यांच्या विषयी कामकाजाची माहिती घेतली. बी.एड. व एम. एड. च्या प्रत्येक विभागा ची, ICT लॅब, Psychology लॅब, लायब्ररी facility, विद्यार्थी पालक यांचेबरोबर मीटिंग, सुसंज्ज स्पोर्ट्स room, मेस, playground, भौतिक सोयी, प्राध्यापक मिटिंग, एम. एड संशोधन, बी.एड. कृतिसंशोधन, भव्य सांस्कृतिक विभाग, पार्किंग व्यवस्था, Water refiling सिस्टिम, water purifier सिस्टिम, योगाauditorium hall, Swimming Tank, Tree Plantation, आर्टस् and क्राफ्ट, फोटो प्रदर्शन etc. या सर्वांची पाहणी या peer टीमने दोन दिवसात केली. व दि. 13/06/2024 रोजी यशस्वी सांगता केली. संस्था चेअरमन.श्री. समीर बिरनाळे डायरेकटर श्री सागर बिरनाळे यांनी दिलेल्या पाठिंब्यामुळे हे शक्य झाले.

oga Day Celebration (late post)

मन शांत व एकाग्र होण्यासाठी योगासने फार महत्त्वाची – सौ. ए. एस. चौगुले

आप्पासाहेब बिरनाळे कालेज ऑफ एज्युकेशन सांगली येथे दि. 21/06/2024 रोजी योग दिन साजरा करण्यात आला. या प्रसंगी सुरवातीला प्रमुख व्याख्याती म्हणून – सौ. ए. एस. चौगुले एम एड च्या माजी विद्यार्थिनी होत्या. यासंदर्भात त्यांनी असे सांगितले की, अभ्यास सुरू करण्यापूर्वी सूक्ष्म व्यायाम जरूर करावा. त्यामुळे स्नायू, मज्जातंतू व हाडांचे सांधे मोकळे होवून हालचाली सुलभ होतील व आसनस्थिती जमण्यास सोपे होईल. त्यामुळे शरीर सुलभ होण्यासाठी योग फार महत्त्वाचे आहे. त्यानंतर प्रमुख उपस्थिती असणाऱ्या डॉ दिपा बिरनाळे यांनी प्रशिक्षणार्थी कडून विविध प्रकारचे आसने करवून घेतली. यावेळी बी.एड. व एम.एड.चे सर्व प्रशिक्षणार्थी, प्राचार्य, सहयोगी प्राध्यापक, सहा. प्राध्यापक व इतर कर्मचारी उपस्थित होते.

आप्पासाहेब बिरनाळे कॉलेज मध्ये “गुरुपौर्णिमा” उत्साहात संपन्न
दि. 20/07/2024 आप्पासाहेब बिरनाळे कॉलेज मध्ये “गुरुपौर्णिमा” कार्यक्रम उत्साहात संपन्न झाला. याप्रसंगी अध्यक्षपदी प्राचार्य डॉ. पी. के. पाटील तर प्रमुख उपस्थिती सहा.प्रा.डॉ. दिपा बिरनाळे यांची होती. त्यानंतर एम. एड. व बी. एड प्रशिक्षणार्थी नी आपले मनोगत व्यक्त केले. यामध्ये दिव्या पाटील,, वैशाली कारंडे, श्रुती पवार, इ चा समावेश होतो. त्यानंतर महाविद्यालयाचे प्राचार्य डॉ. पी. के. पाटील यांनी गुरुपौर्णिमेच्या सर्वांना शुभेच्छा देऊन आपल्या अध्यक्षीय मनोगतास सुरवात केली. ते म्हणाले, शिक्षकांने आयुष्यभर घडवलेल्या विद्यार्थ्यापैकी किमान डझनभर विद्यार्थ्यांना तरी आपण आपल्या नावीन्यपूर्ण, तसेच एखाद्या वैशिष्ट्यपूर्ण गुणामुळे लक्षात राहिलो पाहिजे तर आणि तरच एक चांगला गुरु होउ शकतो. नसेल तर आपण फक्त शिक्षकच उरतो. त्यानंतर त्यांनी जीवनात जगण्यासाठी कुटुंब, मित्र, सहकारी यांचे बरोबर सौहार्दपूर्ण वातावरण राखणे का गरजेचे आहे. व आपण व्यावहारिक तेने कसे जगले पाहिजे हेदेखील दैनंदिन व्यवहारातील उदाहरणे सांगून पटवून सांगितले, त्यानंतर एम.एड. प्रशिक्षणार्थी मोईन शिकलगार यांनी आभार मानले. यावेळी बी.एड.व एम.एड.चे बहुसंख्य प्रशिक्षणार्थी, सर्व बी.एड. व एम.एड.चे सर्व सहयोगी व सहायक प्राध्यापक, इतर कर्मचारी उपस्थित होते. या कार्यक्रमांस संस्था चेअरमनसो श्री समीर बिरनाळे सर तसेच संस्था डायरेकटरसो. श्री. सागर बिरनाळे सर यांचा सतत पाठिंबा असतो त्यामुळेच असे कार्यक्रम यशस्वी होतात. सदरच्या कार्यक्रमाचे उत्कृष्ट असे सूत्रसंचालन श्रुतिका शिंदे यांनी केले होते.

आप्पासाहेब बिरनाळे कॉलेज मध्ये “School Connect Program” नावीन्यपूर्ण कार्यशाळा व Stakeholders meeting उत्साहात संपन्न

दि.27/07/2024 आप्पासाहेब बिरनाळे कॉलेज मध्ये “School Connect Program” नावीन्यपूर्ण कार्यशाळा उत्साहात संपन्न झाली. NEP-2020 च्या अनुषंगाने सदर कार्यशाळेचे आयोजन करण्यात आले होते. हा कार्यक्रम बी.एड. आंतरवासीता अंतर्गत होता. सदर कार्यक्रमामध्ये stakeholders ची meeting देखील आयोजित करण्यात आली होती. यावेळी प्रास्ताविक व स्वागत सहा.प्रा.डॉ. दिपा बिरनाळे यांनी केले. सहा. प्रा चांदणे एस व्ही. आणि सहा प्रा होनमाने पी.पी. यांचे हस्ते मान्यवर मुख्याध्यापकांचे स्वागत पुष्प देऊन करण्यात आले सहा.प्रा.डॉ. दिपा बिरनाळे यांनी केले तसेच कॉलेज चे IQAC Coordinator सहा.प्रा. कीर्तिकर वाय.एस. यांनी School Connect Program व Stakeholders meet याचे स्वरूप सविस्तरपणे सांगितले. त्यानंतर school connect program मध्ये सहभागी मुख्याध्यापक गरांडे सर, तसेच ढेरे सर, चौगुले मॅडम, भोंडवे सर करनाळे सर यांनी आपले मनोगत व्यक्त केले. त्याचबरोबर यासंदर्भात विविध विषयावर चर्चा करण्यात आली विचारलेल्या शंकाचे निरसन डॉ पी. के. पाटील सर व सर्व प्राध्यापकांनी केले. त्यानंतर प्राचार्य डॉ.पी. के. पाटील सर यांनी आपले अध्यक्षीय मनोगत व्यक्त केले.यामध्ये कॉलेज च्या चाललेल्या वाटचालीबाबत माहिती दिली.झालेल्या सर्व चर्चेचा खुलासा करून उपस्थितांच्या सर्व प्रश्नांची
समर्पक उत्तरे दिली यादरम्यान सहा प्रा माने आर बी व सहा.प्रा. माने एस.जी.यांनी feedback फॉर्म देणे तसेंच नावनोदणी चे उत्तम कार्य वाघ मॅडम यांनी पार पाडले. तसेच जेवण विभाग (पाटोळे मॅडम, काटकर सर) तसेच सर्व विभागानी आपापले योग्य नियोजन केले होते त्यानंतर महाविद्यालयाच्या कॅन्टीन मध्ये हरिभाऊ यांनी बनवलेल्या दुपारच्या यथेच्छ भोजनाचा आस्वाद सर्वांनी घेतले त्याचबरोबर सर्वांनी या कार्यक्रमाबाबत समाधान व्यक्त केले. सदरच्या कार्यक्रमात पुढील कार्यशाळेचे विषय याबाबत चर्चा करण्यात आली. सदर कार्यक्रमात स्टेज व्यवस्था सहा प्रा माळी एस. के. तसेच आभार सहा प्रा होनमाने.पी पी. यांनी मानले या कार्यक्रमासाठी संस्था चेअरमन समीर बिरनाळे सर, डायरेकटरसो सागर बिरनाळे सर यांनी दिलेल्या सपोर्टमुळे अशा पद्धतीचे कार्यक्रम चांगल्या पद्धतीने राबवले जातात.

“आप्पासाहेब बिरनाळे कॉलेज मध्ये अण्णाभाऊ साठे यांची जयंती व लोकमान्य टिळक यांची पुण्यतिथी साजरी ”
गुरुवार दि.01 ऑगस्ट 2024
आप्पासाहेब बिरनाळे कॉलेज ऑफ एज्युकेशन, सांगली येथे गुरुवार दि.01/08/2023 रोजी अण्णाभाऊ साठे यांची जयंती व लोकमान्य टिळक यांची पुण्यतिथी साजरी करण्यात आली. या कार्यक्रमामध्ये सुरवातीस प्राचार्य डॉ पी. के. पाटील सर, डॉ दीपा बिरनाळे, सर्व बी. एड., एम.एड. चे सहा. प्राध्यापक यांचे हस्ते प्रतिमापूजन करण्यात आले. सुरवातीस कार्यक्रमाचे प्रमुख पाहुणे एम.एड. चे सहा.प्रा.श्री. चांदणे एस.व्ही. यांनी आपले विचार व्यक्त केले. ते म्हणाले, अण्णा भाऊ साठे हे साहित्य, संगीत आणि सामाजिक कार्याच्या जगात एक अग्रगण्य प्रकाश होते, त्यांनी उपेक्षित समुदायांच्या संघर्षांना संबोधित करण्यासाठी त्यांच्या व्यासपीठाचा वापर केला. जातीय पदानुक्रम आणि आर्थिक विषमतेने ग्रासलेल्या समाजात आशेचे किरण म्हणून उभे राहिले, त्यांनी त्यांच्या शक्तिशाली शब्द आणि कृतींद्वारे यथास्थितीला आव्हान दिले. अण्णा भाऊ साठे यांचा जन्म 1 ऑगस्ट 1920 रोजी झाला. सांगली जिल्ह्यातील वाळवा तालुक्यातील वाटेगाव या छोट्याशा खेड्यातील त्यांचे जीवन त्या काळात प्रचलित असलेल्या सामाजिक आणि आर्थिक संकटांचा सामना करत होते. हे अनुभव नंतर त्यांच्या साहित्यकृतींमध्ये प्रतिबिंबित होतील, जिथे त्यांनी समाजातील उपेक्षित घटकांच्या संघर्षांना आघाडीवर आणण्याचा प्रयत्न केला. असेही ते म्हणाले. यानंतर बी.एड.चे सहा.प्रा.श्री. रमेश माने यांनीदेखील अण्णा भाऊ यांचेबद्दल मनोगत व्यक्त केले. ते म्हणाले, औपचारिक शिक्षण नसतानाही, कथाकथन आणि लेखनासाठी अण्णा भाऊ साठे यांची जन्मजात प्रतिभा दिसून आली, मार्मिक कथा तयार केली जी आजही वाचकांच्या मनात कायम आहे. अण्णा भाऊ साठे यांनी 35 कादंबऱ्या लिहिल्या, प्रामुख्याने मराठी भाषेत, आणि त्यांची कामे जीवनातील कच्च्या वास्तवाचे कथन करण्याच्या त्यांच्या विलक्षण क्षमतेचा पुरावा म्हणून उभ्या आहेत. यापैकी “फकिरा” हा बहुधा त्यांचा उत्कृष्ट रचना मानला जातो. ही एक सशक्त कथा आहे जी उपेक्षित आणि शोषित वर्गाच्या सामाजिक-आर्थिक त्रासांना प्रतिबिंबित करते, सामाजिक अन्याय, जातीय भेदभाव आणि गरिबीच्या कठोर वास्तवाच्या थीम शोधते.
त्यांची साहित्यकृती केवळ कादंबऱ्यांपुरती मर्यादित नव्हती.
300 हून अधिक श्रेयासह ते लघुकथांचे विपुल लेखक देखील
होते. त्यांच्या कथनांमध्ये वैविध्य असताना, या कथा एका समान धाग्याने एकत्र आल्या त्यांनी शोषित आणि उपेक्षित समुदायांचे जीवन आणि संघर्ष प्रकाशात आणले. मराठी भाषेचा कुशल वापर, लोकपरंपरांच्या घटकांमध्ये मिसळून, अण्णा भाऊ साठे यांना व्यापक श्रोत्यांशी जोडले गेले. आवाजहीनांना आवाज देण्यासाठी, त्यांचे संघर्ष आणि आकांक्षा सहानुभूतीपूर्वक, खंबीरपणे मांडण्यासाठी त्यांनी आपल्या लेखनाचा प्रभावीपणे उपयोग केला. अण्णा भाऊ साठे यांच्या साहित्यकृतींनी जाति-आधारित भेदभाव, आर्थिक विषमता आणि सामाजिक अन्याय यांसारख्या गुंतागुंतीच्या विषयांना तोंड देणे टाळले. हे विषय अण्णा भाऊ साठे यांच्यासाठी अत्यंत वैयक्तिक होते, त्यांनी उपेक्षित समाजात वाढलेल्या अनुभवातून रेखाटले होते. यानंतर कार्यक्रमाचे अध्यक्ष महाविद्यालयाचे प्राचार्य डॉ.पी. के. पाटील यांनी अण्णाभाऊ साठे यांचेबद्दल
बोलताना सांगितले की, अण्णाभाऊ साठे यांची सक्रियता आणि राजकीय सहभाग हा केवळ त्यांच्या आयुष्याचा विस्तार नव्हता, तर सामाजिक न्यायासाठी त्यांच्या खोलवर असलेल्या बांधिलकीचे प्रकटीकरण होते. त्यांच्या अथक प्रयत्नांनी सामाजिक नियमांना आव्हान देण्यात आणि अर्थपूर्ण बदल घडवून आणण्यात महत्त्वपूर्ण भूमिका बजावली. त्यांचे जीवन, सामाजिक परिवर्तन घडवून आणण्यासाठी व्यक्तींच्या भूमिकेवर जोर देऊन, कार्यकर्त्यांना आणि राजकीय नेत्यांना सारखेच प्रेरणा देते. लोकमान्य टिळक यांच्या कार्यावर प्रकाश टाकताना ते म्हणाले की. लोकमान्य टिळक हे स्वराज्याचे पहिले आणि प्रबळ पुरस्कर्ते होते. तसेच ते भारतीय स्वातंत्र्य चळवळीतील एक मजबूत जहालवादी नेते होते. “स्वराज्य हा माझा जन्मसिद्ध हक्क आहे आणि तो मी मिळवणारच!” या त्यांच्या घोषणेसाठी ते ओळखले जातात. 1881 ते 1920 या चाळीस वर्षांच्या काळात टिळकांनी 513 अग्रलेख लिहिले. तसेच लोकमान्य टिळकांनी त्यांच्या प्रदीर्घ राजकीय कारकीर्दीत ब्रिटिश राजवटीपासून भारतीय स्वायत्ततेसाठी लढा दिला. लोकमान्य टिळक हे जहालमतवादी नेते ओळखले जात असे. कार्यक्रमाच्या शेवटी सहा. प्रा. डॉ. दिपा बिरनाळे यांनी आभार मानले. यावेळी बहुसंख्य बी.एड.एम.एड.चे प्रशिक्षणार्थी तसेच एम.एड.चे सहयोगी प्रा. डॉ. इनामदार आर. आय., सहा. प्राध्यापक प्रा.पाटोळे व्हीं.एन. प्रा. होनमाने पी.पी., प्रा. माने एस. जी., प्रा.श्री. राहुल पाटील बी.एड.चे सहा.प्रा. माळी एस.के., श्री. किर्तीकर वाय. एस., प्रा.श्री. रमेश माने, प्रा. कदम व्ही. व्ही., ग्रंथपाल वाघ टी.ए. श्री. समीर मुजावर, श्री. कौतुक काटकर इतर कर्मचारी भरत खवाटे, अमोल सकळे उपस्थित होते. तसेच या कार्यक्रमास संस्था चेअरमन मा.श्री. समीर बिरनाळे सर, डायरेक्टर श्री. सागर बिरनाळे सर हे कामाच्या व्यापामुळे प्रत्यक्ष जरी उपस्थित नसले तरी त्यांचे सततचे प्रोत्साहनामुळेच आम्हाला असे कार्यक्रम करण्यास उर्जा प्राप्त होते यात शंका नाही.

“आप्पासाहेब बिरनाळे कॉलेज ऑफ एज्युकेशन सांगली. येथे वृक्षारोपण उत्साहात संपन्न”

सोमवार दि.05/08/2024 आप्पासाहेब बिरनाळे jकॉलेज ऑफ एज्युकेशन सांगली. येथे वृक्षारोपण उत्साहात संपन्न झाले. सदरचे वृक्षारोपण करताना शिवाजी विद्यापीठ एम एड सेम III आंतरवासीता 2 नुसार या कार्यक्रमांची अंमलबजावणी विभागप्रमुख प्रा. होनमाने. पी .पी .यांनी एम एड प्रशिक्षणार्थिना योग्य सूचना देऊन बी एड प्रशिक्षणार्थिकडून वृक्षारोपण कार्यक्रमाची तयारी करून घेतली. यावेळी विविध प्रकारच्या रोपांची लागवड विद्यार्थी वसतिगृह परिसरात करण्यात आली. ही सर्व रोपे प्राचार्य, सर्व प्राध्यापक, इतर कर्मचारी व बी.एड. व एम.एड. प्रशिक्षणार्थी यांचे हस्ते लावण्यात आली. विविध प्रकारच्या रोपांची लागवड कशी करावी? यासंदर्भात प्रथमता सहा.प्रा.माने आर. बी. यांनी माहिती सांगितली. त्यानंतर प्रत्यक्ष वृक्षारोपण कार्यक्रम पार पडला. तसेच सदर रोपांचे संवर्धन करण्याची जबाबदारी बी.एड व एम.एड. च्या प्रशिक्षणार्थिनी घेतली. असे नावीन्यपूर्ण उपक्रम सतत आपल्या महाविद्यालयात घेतले जातात. तसेच अशा उपक्रमाने आपले महाविद्यालय ” ग्रीन कॅम्पस ” होण्यासाठी आणखी भर पडणार आहे. या अशा उपक्रमास संस्था चेअरमन श्री. समीर बिरनाळे, संस्था डायरेकटर श्री. सागर बिरनाळे यांचा पाठिंबा असतो.

आप्पासाहेब बिरनाळे कॉलेज ऑफ एज्युकेशन सांगली. मध्ये “जागतिक ग्रंथपाल दिन” नवोपक्रमाने साजरा
सोमवार दि. 12/08/2024 आप्पासाहेब बिरनाळे कॉलेज ऑफ एज्युकेशन मध्ये “राष्ट्रीय ग्रंथपाल दिन” उत्साहात संपन्न झाला. सुरवातीस सहा. प्रा. माने एस जी यांचे हस्ते दिपप्रज्वलन व एस आर रंगनाथन यांच्या प्रतिमेचे पूजन करून सुरुवात झाली.. यामध्ये आजच्या कार्यक्रमाचे स्वरूप ग्रंथपाल वाघ तृप्ती यांनी स्पष्ट केले. तसेच ग्रंथालयाचे महत्व सांगितले त्याचप्रमाणे पुढे त्या म्हणाल्या, भारतीय ग्रंथालय चळवळीचे जनक डॉ. एस. आर. रंगनाथन यांच्या जयंतीनिमित्त (12 ऑगस्ट) राष्ट्रीय ग्रंथपाल दिन साजरा करण्यात येतो. यानिमित्ताने वाचनसंस्कृती टिकावी आणि दिवसेंदिवस ती वृध्दींगत व्हावी यासाठी ग्रंथालयाचे असलेले महत्व आणि डॉ. रंगनाथन यांचे कार्य याविषयी माहिती सांगितली. ग्रंथालयशास्त्राचे पितामह म्हणून ओळखल्या जाणाऱ्या डॉ.एस.आर. रंगनाथन यांच्या जयंतीनिमित्ताने राष्ट्रीय ग्रंथपाल
दिन साजरा केला जातो. ग्रंथालय ही एक सामाजिक संस्था असून समाजाच्या हितासाठी ग्रंथालयाचे संवर्धन करणे आवश्यक आहे. ग्रंथालयाचे जतन करणारा ग्रंथपालही महत्वाचा घटक आहे. ज्याप्रमाणे वाचकांच्या गरजा वाढतात, बदलतात त्याचप्रमाणे ग्रंथपालनाच्या कक्षाही वाढत जाणे आवश्यक आहे. भारतीय ग्रंथालयात साधारणतः 1965 नंतर संगणकाने प्रवेश केला. सर्वप्रथम Indian National Sicentific Documentation Center (INSDOC) मुंबई, Bharat Automic Reserach Center (BARC), BHEL आदी ठिकाणी ग्रंथालयात संगणकाचा वापर झाला. नंतर इलेक्ट्रॉनिक माध्यमांनी जागेच्या प्रश्नाला पर्याय दिला खरा पण यामुळे ग्रंथालये नष्ट तर होणार नाहीत ना, अशी भीतीही व्यक्त होऊ लागली. मात्र, जुने सोडायचे नाही पण नवेही स्वीकारायचे, या धोरणावर ग्रंथपाल संगणकाचे ज्ञान अवगत करू लागला. ई-रिसोर्सेसमध्ये ई-बुक, ई-जर्नल्स, सीडी, डीव्हीडी, मायक्रोचिप, मायक्रोफॉर्म, कार्ड रिडर आदींचा समावेश होतो. तर पारंपरिक साधनांमध्ये लिखिते, हस्तलिखिते, ग्रंथ, नियतकालिके, नकाशे, गॅजेट्स आदींचा समावेश होतो. पुस्तकांच्या विश्वात काम करणारा ग्रंथपाल (लायब्ररियन) हा समाजातील महत्त्वाचा घटक आहे. या दोन्हीचा समन्यय राखण्यासाठी ग्रंथपालाला नेहमी प्रयत्नशील राहावे लागते. 12 ऑगस्ट हा दिवस भारतात राष्ट्रीय ग्रंथपाल दिन म्हणून साजरा केला जातो, ग्रंथालय विज्ञानाचे राष्ट्रीय प्राध्यापक, डॉ एसआर रंगनाथन (1892-1972), ज्यांनी भारतात ग्रंथालय विकासाचे नेतृत्व केले होते .
या दिवशी लोक एकत्र येऊन आपल्या समाजात ग्रंथालये आणि
ग्रंथपाल यांची महत्त्वाची भूमिका साजरी करतात. वाचन आणि पुस्तके प्रत्येकासाठी सुलभ आणि परवडणारी बनविण्याचे महत्त्व प्रतिबिंबित करण्याचा हा दिवस आहे ग्रंथालय आणि माहिती विज्ञान क्षेत्रात भरीव कामगिरी करणाऱ्या श्री. एस. आर. रंगनाथन यांच्या जन्मदिनाच्या स्मरणार्थ दरवर्षी १२ ऑगस्ट रोजी भारतात राष्ट्रीय ग्रंथालय दिन साजरा केला असेही त्या कार्यक्रमाचे सूत्रसंचालन एम.एड. प्रशिक्षणार्थी कामिल नदाफ तर आभार बी एड प्रशिक्षणार्थी भरत खवाटे यांनी मानले यावेळी प्राचार्य डॉ पी. के. पाटील, सहा.प्रा.डॉ. दिपा बिरनाळे, यावेळी बहुसंख्य बी.एड.एम.एड. चे प्रशिक्षणार्थी तसेच एम.एड.चे सहयोगी प्रा.डॉ. इनामदार आर. आय., सहा. प्राध्यापक चांदणे. एस.व्ही., प्रा.पाटोळे व्हीं. एन. प्रा.होनमाने पी.पी., प्रा.माने एस. जी., प्रा.श्री. राहुल पाटील बी.एड.चे सहा.प्रा.माळी एस.के., श्री. किर्तीकर वाय. एस., प्रा.श्री. रमेश माने, प्रा. कदम व्ही.व्ही., श्री. समीर मुजावर, श्री. कौतुक काटकर इतर कर्मचारी, अमोल सकळे उपस्थित होते. तसेच या कार्यक्रमास संस्था चेअरमन मा. श्री. समीर बिरनाळे सर, डायरेक्टर श्री. सागर बिरनाळे सर यांच्या पाठिंब्यामुळे हे शक्य होते.

आप्पासाहेब बिरनाळे कॉलेज मधील एम.एड. विभागाची
” “बालभारती” शैक्षणिक भेट संपन्न ” सांगली. मंगळवार दि.27/08/2024.
शिवाजी विद्यापीठ, कोल्हापूर एम.एड. अभ्यासक्रम व शिक्षक शिक्षण आंतरवासीता अंतर्गत आप्पासाहेब बिरनाळे कॉलेज कॉलेज ऑफ एज्युकेशन, सांगली येथील एम.एड. विभागाची “बालभारती” कार्यालय, तसेच पाठ्यपुस्तक भांडार व वितरण केंद्र, कोल्हापूर येथे आज भेट दिली. यावेळी संपूर्ण बालभारती परिसर, तेथील स्वच्छता प्रत्येक विभागाची सातत्याने चाललेली कामे, तेथील कर्मचारी यांच्यातील आपुलकीचे नाते हे पाहून आम्ही खूप भारावून गेलो. सुरुवातीस श्री. सचिन जाधव यांनी पाठ्यपुस्तक निर्मिती पूर्व कागद, त्याचा दर्जा, त्यासाठी दिली जाणारी टेंडर प्रक्रिया हे सर्व अतिशय योग्य क्रमाने माहिती दिली.एम.एड. प्रशिक्षणार्थीनी अतिशय शांतपणे ही सर्व माहिती ऐकून सर्व माहिती नमूद करून घेतली. त्यानंतर बालभारती कार्यालय इमारतीची रचना, एकूण चार मजली इमारत, प्रत्येक विभागाची पाहणी करून पुस्तकांचे वितरण करताना स्वतंत्र विभाग कसे केले आहेत. यासंबंधी श्री. सचिन जाधव यांनी सुरेख मार्गदर्शन केले. चारही मजले, तेथील पुस्तक व्यवस्थापन करणे, किती क्लिष्ट गोष्ट आहे. हे या वेळेस समजले. येथील कर्मचारी अतिशय शांतपणे व सराईतपणे काम करताना दिसत होते. हे सर्व पाहत असताना सर्व एम.एड. प्रशिक्षणार्थीनी, तसेच सहा. प्राध्यापक यांनी प्रत्येकाला हवी असणारी पुस्तके खरेदी करण्याचा मोह आवरता आला नाही. यानंतर सर्वांनी बालभारती कार्यालय भांडार व्यवस्थापक श्री. किशोर पाटील यांनी दिलेल्या चहाचा आस्वाद घेत त्यांचे
कामाचा अनुभव आम्हा सर्व प्राध्यापकांनी त्यांच्याकडूनच ऐकला. त्यानंतर कार्यालय आवारात एक छोटासा कार्यक्रम घेतला गेला यामध्ये सुरुवातीस प्रा. प्राजक्ता होनमाने यांनी प्रास्ताविक केले. त्यामध्ये या भेटी मागील उद्देश स्पष्ट केला. व भांडार व्यवस्थापक श्री किशोर पाटील यांनी भेटीच्या परवानगी पासून आत्तापर्यंत दिलेल्या सहकार्याबद्दल धन्यवाद दिले.
त्यानंतर बालभारती कार्यालय प्रमुख व भांडार व्यवस्थापक श्री. किशोर पाटील यांनी बालभारती स्थापने मागील उद्दिष्टे, पुस्तकांची संख्या, वितरण व्यवस्था याविषयी संपूर्ण मार्गदर्शन केले. व आप्पासाहेब बिरनाळे कॉलेज मध्ये होत असणारे भविष्यातील शैक्षणिक उपक्रम यासाठी बालभारती कार्यालय सदैव खुले राहील. अशी ग्वाही दिली. त्यानंतर प्रा. सतीश चांदणे यांनी या भेटी मुळे आमच्या प्रशिक्षणार्थी ना काम करण्याची नवी प्रेरणा व ऊर्जा मिळाल्याचे आवर्जून सांगितले शेवटी एम.एड. प्रशिक्षणार्थी प्रियांका पाटील यांनी आभार मानले. व कार्यक्रम संपन्न झाला. यावेळी एम.एड.चे सहयोगी प्रा. इनामदार आर. आय., सहा.प्रा. पाटोळे व्ही. एन. सहा.प्रा.माने एस.जी. ग्रंथपाल वाघ टी. ए. उपस्थित होते. सदरच्या शैक्षणिक भेटी मागे संस्थापक अध्यक्ष श्री. बबनराव बिरनाळे चेअरमन श्री. समीर बिरनाळे सर डायरेक्टर श्री. सागर बिरनाळे सर, प्राचार्य डॉ. पी. के. पाटील सर, डॉ. दिपा बिरनाळे यांची प्रेरणा मिळाली.

शिक्षक दिन-“शिक्षक हा आजन्म विद्यार्थी असतो” सहा. प्रा. सविता माळी- जाधव गुरुवार दि.05/09/2024 आप्पासाहेब बिरनाळे कॉलेज ऑफ एज्युकेशन, सांगली. येथे 5 सप्टेंबर शिक्षक दिन साजरा करण्यात आला. सदरच्या कार्यक्रमात सुरुवातीस कार्यक्रमाचे अध्यक्ष प्राचार्य डॉ.पी. के. पाटील, प्रमुख पाहुणे सहा.प्रा. सविता माळी – जाधव, डॉ. दिपा बिरनाळे व मान्यवर यांचे हस्ते रोपट्यास पाणी घालून उदघाट्न करण्यात आले. त्यानंतर सहा.प्रा.पाटोळे व्ही.एन. यांनी कार्यक्रमाचे प्रास्ताविक केले. त्यानंतर डॉ. सर्वपल्ली राधाकृष्णन यांच्या प्रतिमेचे मान्यवरांच्या हस्ते पूजन केले. त्यानंतर प्राध्यापक मनोगतात सहा. प्रा. चांदणे.एस. व्ही, सहा.प्रा. माने.एस.जी., सहा.प्रा.माने आर. बी. यांनी आपले मनोगत व्यक्त केले. यानंतर कार्यक्रमाच्या प्रमुख पाहुणे – सहा प्रा सविता माळी यांनी आपले मनोगत व्यक्त केले. त्यानंतर कार्यक्रमाचे अध्यक्ष महाविद्यालयाचे प्राचार्य डॉ.पी. के पाटील यांनी आजच्या शिक्षकांना सध्या विद्यार्थ्यांकडून मानसन्मान कमी प्रमाणात मिळतो असा खेद व्यक्त केला. या कार्यक्रमाचे आभार सहा. प्रा. माने आर बी यांनी केले. तसेच या संपूर्ण कार्यक्रमाचे सूत्रसंचालन सहा. प्रा. होनमाने पी.पी. यांनी केले. यावेळी सर्व बी.एड., एम. एड चे सहयोगी, सहायक प्राध्यापक, इतर कर्मचारी उपस्थित होते.

शनिवार दि. 14/09/2024

आप्पासाहेब बिरनाळे कॉलेज ऑफ एज्युकेशन, सांगली. येथे 14 सप्टेंबर हिंदी दिन व प्रथमोपचार दिन साजरा करण्यात आला. ससदरच्या कार्यक्रमात सुरुवातीस कार्यक्रमाचे अध्यक्ष प्राचार्य डॉ.पी. के. पाटील, प्रमुख पाहुणे सहा.प्रा. सुरेखा माने, डॉ. दिपा बिरनाळे यांचे प्रशिक्षणार्थी आस्मा फकीर, वैष्णवी शिंदे यांनी पुष्पगुच्छ देऊन स्वागत केले त्यानंतर बी.एड. प्रशिक्षणार्थी सुचिता जाधव यांनी हिंदी दिनाबाबत तसेच हर्षाली पाटील यांनी प्रथमोपचार दिनाबाबत मनोगत व्यक्त केले. त्यानंतर प्रमुख पाहुणे सहा. प्रा. माने एस जी मॅडम यांनी व सहा प्रा जाधव एस ए यांनी आपले मनोगत व्यक्त केले. शेवटी कार्यक्रमाचे अध्यक्ष महाविद्यालयाचे प्राचार्य डॉ. पी. के. पाटील यांनी नेमक्या शब्दात हिंदी दिन व प्रथमोपचार दिन का साजरे करावेत याविषयीं आपल्या मनोगतात सांगितले तसेच प्रथमोपचार पेटीमधील साहित्याचा कसा वापर करावा हेही आवर्जून सांगितले. कार्यक्रमाचे आभार ऋतुजा जाधव यांनी मानले तसेच साधना शिंदे व प्रणिता भगत यांनी कार्यक्रमाच्या नियोजनात सहभाग नोंदवला. या कार्यक्रमाचे स्वागत प्रियांका साळुंखे तसेच प्रास्ताविक व सूत्रसंचालन स्नेहल शेटे यांनी नियोजनबद्ध पद्धतीने केले. यावेळी बहुसंख्य बी. एड. एम. एड प्रशिक्षणार्थी तसेच सर्व बी.एड., एम. एड चे सहयोगी, सहायक प्राध्यापक, इतर कर्मचारी उपस्थित होते. सदर कार्यक्रमास संस्था चेअरमन श्री. समीर बिरनाळे, संस्था डायरेकटर श्री. सागर बिरनाळे यांची प्रेरणा मिळाली.