सांगली येथील श्री वसंत बंडूजी पाटील ट्रस्ट संचलित, आप्पासाहेब बिरनाळे कॉलेज ऑफ एज्युकेशनमधील एम.एड. विभागाचा (बॅच २०२४-२६) निरोप समारंभ आज दि. २३ एप्रिल २०२६ रोजी महाविद्यालयाच्या सभागृहात संपन्न झाला. निरोपाचा क्षण असला तरी विद्यार्थ्यांच्या चेहऱ्यावर भविष्यातील यशाची उमेद आणि कॉलेजच्या आठवणींचा ओलावा पाहायला मिळाला.
कार्यक्रमाची सुरुवात अत्यंत आगळ्यावेगळ्या आणि पर्यावरणपूरक पद्धतीने करण्यात आली. मान्यवरांच्या हस्ते रोपाला पाणी घालून कार्यक्रमाचे उद्घाटन झाले. त्यानंतर विद्यार्थिनींनी सुश्राव्य स्वागत गीत सादर करून उपस्थित पाहुण्यांचे आणि शिक्षकांचे स्वागत केले. प्रशिक्षणार्थी विद्यार्थ्यांनी आपली मनोगते व्यक्त केली. गेल्या दोन वर्षांतील शैक्षणिक अनुभव, प्राध्यापकांचे लाभलेले मार्गदर्शन आणि मैत्रीचे बंध यावर बोलताना अनेक विद्यार्थी भावूक झाले.
यानंतर शिक्षकांनीही आपले मनोगत व्यक्त केले वर्गशिक्षिका सहा. प्रा. माने एस. जी. मॅडम आणि इतर मार्गदर्शक प्राध्यापकांनी विद्यार्थ्यांना भविष्यात यशस्वी संशोधक आणि आदर्श प्राध्यापक होण्यासाठी शुभेच्छा दिल्या. ‘प्रवास संपला तरी नात्यातील ओलावा कायम ठेवावा,’ असा मोलाचा संदेश यावेळी देण्यात आला.
महाविद्यालयाच्या उपप्राचार्या डॉ. दीपा बिरनाळे मॅडम यांनी आपल्या अध्यक्षीय भाषणात विद्यार्थ्यांना बदलत्या शैक्षणिक प्रवाहात स्वतःला अपडेट ठेवण्याचे आवाहन केले. कार्यक्रमाला सहा. प्रा. होनमाने पी. पी. मॅडम, सहा. प्रा. पाटोळे व्ही. एन. मॅडम आणि सहा. प्रा. चांदणे एस. व्ही. सर यांचे मार्गदर्शन लाभले.
सहभभोजनांनंतर या कार्यक्रमाची सांगता झाली. यावेळी महाविद्यालयातील सर्व शिक्षक व शिक्षकेतर कर्मचारी उपस्थित होते. तसेच संस्थेचे चेअरमन समीर बिरनाळे सर आणि संस्थेचे डायरेक्टर सागर बिरनाळे सर यांनी शुभेच्छा दिल्या होत्या. त्यांच्या पाठिंब्यामुळेच सदरचे कार्यक्रम यशस्वी होत आहेत.

आप्पासाहेब बिरनाळे कॉलेज ऑफ एज्युकेशन, सांगली येथे डॉ.बाबासाहेब आंबेडकर जयंती साजरी करण्यात आली.यावेळी उप- प्राचार्य डॉ.डी.एस. बिरनाळे यांनी डॉ. बाबासाहेब आंबेडकर यांच्या फोटोस आदरांजली वाहिली. तसेच त्यांनी डॉ. बाबासाहेब आंबेडकर यांच्या एकूणच शैक्षणिक कार्याची उजळणी केली. त्यांचे सामाजिक शैक्षणिक कार्य समाजासाठी प्रेरक कसे ठरले हे सांगितले.
त्यांनतर प्रमुख उपस्थिती सहा.प्रा.चांदणे एस.व्ही.यांनी डॉ. बाबासाहेब आंबेडकर यांच्या अनेक अंगाना स्पर्श करून आपल्या देशाला त्यांच्या विचारांची का गरज आहे हे पटवून सांगितले.यावेळी बी. एड. एम.एड. मधील सर्व प्रशिक्षणार्थी व प्राध्यापक उपस्थित होते.

आप्पासाहेब बिरनाळे कॉलेज ऑफ एज्युकेशन (B.Ed.) च्या वतीने रविवार, दिनांक १२ एप्रिल २०२६ रोजी सांगली जिल्ह्यातील प्रसिद्ध धार्मिक आणि पर्यटन स्थळ असलेल्या “दंडोबा डोंगर” परिसरात विशेष ‘श्रमसंस्कार शिबीर ‘अत्यंत उत्साहात राबविण्यात आले. भावी शिक्षकांमध्ये सामाजिक जबाबदारीची जाणीव निर्माण व्हावी आणि निसर्ग संवर्धनाचा संदेश जनसामान्यांपर्यंत पोहोचावा, या उद्देशाने या उपक्रमाचे आयोजन करण्यात आले होते. सकाळी 8.00 वाजता महाविद्यालयाचे उपप्राचार्या डॉ. डी.एस बिरनाळे, प्राध्यापक वर्ग आणि विद्यार्थी महाविद्यालयातून बस ने दंडोबा परिसरात एकत्र आले. यावेळी विद्यार्थ्यांना विविध गटांत विभागून संपूर्ण मंदिर परिसर, ट्रेकिंग मार्ग आणि विश्रांतीच्या ठिकाणांची स्वच्छता केली. यामध्ये प्रामुख्याने: 1)प्लॅस्टिक पिशव्या, रिकाम्या बाटल्या आणि कचरा गोळा करण्यात आला. 2)पर्यटकांना निसर्गाचे महत्त्व सांगणारे फलक दाखवून जनजागृती करण्यात आली. 3)संकलित केलेला कचरा योग्य व्यवस्थापनासाठी नियोजित ठिकाणी सुपूर्द करण्यात आला.तसेच प्रशिक्षनार्थीकडून वृक्षारोपण करून घेण्यात आले. याप्रसंगी महाविद्यालयाच्या उप-प्राचार्यांनी विद्यार्थ्यांना संबोधित करताना सांगितले की, “शिक्षक हा समाजाचा आरसा असतो. आपण स्वतः कृतीतून स्वच्छता पाळली, तरच आपण उद्याच्या पिढीला पर्यावरणाचे धडे देऊ शकू. दंडोबा सारख्या ऐतिहासिक आणि नैसर्गिक वारशाचे जतन करणे ही आपली सर्वांची जबाबदारी आहे.” या मोहिमेत महाविद्यालयातील सर्व प्राध्यापक वृंद, शिक्षकेतर कर्मचारी आणि मोठ्या संख्येने छात्राध्यापक (B.Ed. Students) सहभागी झाले होते. स्थानिक नागरिक आणि पर्यटकांनी महाविद्यालयाच्या या स्तुत्य उपक्रमाचे विशेष कौतुक केले आहे.असे उपक्रम वेळोवेळी करण्यासाठी संस्था चेअरमन श्री.समीर बिरनाळे सर संस्था डायरेक्टर श्री.सागर बिरनाळे सर यांच्या पाठिंबा फार महत्वाचा ठरतो व त्यामुळे काम करताना नवी उभारी मिळते.

अप्पासाहेब बिरनाळे शिक्षणशास्त्र महाविद्यालयात बी.एड. (बॅच २०२४-२०२६) च्या प्रशिक्षणार्थ्यांचा सदिच्छा समारंभ गुरुवारी, दिनांक ९ एप्रिल २०२६ रोजी मोठ्या उत्साहात संपन्न झाला. निरोप आणि नवीन वाटचालीच्या शुभेच्छा देणाऱ्या या कार्यक्रमाने विद्यार्थ्यांमध्ये भावूक वातावरण पाहायला मिळाले.
कार्यक्रमाच्या अध्यक्षस्थानी महाविद्यालयाच्या उप-प्राचार्या डॉ. डी. एस. बिरनाळे मॅडम लाभल्या होत्या. पर्यावरणाप्रती कृतज्ञता व्यक्त करत आणि संवर्धनाचा संदेश देत, मान्यवरांच्या हस्ते रोपट्यांना पाणी घालून कार्यक्रमाची सुरुवात झाली
या सदिच्छा समारंभाचे संपूर्ण नियोजन बी.एड. द्वितीय वर्षाच्या प्रशिक्षणार्थ्यांनी अत्यंत नेटकेपणाने केले होते. महाविद्यालयातील दोन वर्षांचा प्रवास, मिळालेले शिक्षण आणि शिक्षकांविषयीची कृतज्ञता व्यक्त करण्यासाठी विद्यार्थ्यांनी महाविद्यालयाला भेटवस्तू प्रदान केली.
कार्यक्रमाच्या उत्तरार्धात अनेक प्रशिक्षणार्थ्यांनी आपली मनोगते व्यक्त करताना महाविद्यालयातील आठवणींना उजाळा दिला. या प्रसंगी सहा. प्राध्यापक आर. बी. माने सर यांनी विद्यार्थ्यांना मार्गदर्शन करताना भावी शिक्षक म्हणून समाजाप्रती असलेल्या जबाबदाऱ्यांची जाणीव करून दिली आणि त्यांच्या पुढील वाटचालीस शुभेच्छा दिल्या.
आपल्या अध्यक्षीय भाषणात डॉ. डी. एस. बिरनाळे मॅडम यांनी विद्यार्थ्यांना उत्तम शिक्षक बनण्यासाठी सातत्याने ज्ञानार्जन करण्याचे आवाहन केले. तसेच संस्थेचे चेअरमन समीर बिरनाळे सर आणि संस्थेचे डायरेक्टर सागर बिरनाळे सर यांनी शुभेच्छा दिल्या होत्या. त्यांच्या पाठिंब्यामुळेच सदरचे कार्यक्रम यशस्वी होत आहेत.
या कार्यक्रमास महाविद्यालयातील सर्व प्राध्यापक, शिक्षकेतर कर्मचारी आणि प्रशिक्षणार्थी मोठ्या संख्येने उपस्थित होते. कार्यक्रमाचा शेवट स्नेहभोजनाने करण्यात आला.

मराठी भाषा गौरव दिन व राष्ट्रीय विज्ञान दिन सोहळा
दिनांक: २७ आणि २८ फेब्रुवारी २०२६
आप्पासाहेब बिरनाळे कॉलेज ऑफ एज्युकेशन, सांगली येथे ‘मराठी भाषा गौरव दिन’ (कुसुमाग्रज जयंती) आणि ‘राष्ट्रीय विज्ञान दिन’ (सी.व्ही. रमण यांच्या स्मृतीप्रित्यर्थ) अत्यंत उत्साहात साजरे करण्यात आले. ज्ञान आणि विज्ञानाची सांगड घालत भाषेचा अभिमान आणि वैज्ञानिक दृष्टिकोन रुजवणे हा या कार्यक्रमाचा मुख्य उद्देश होता.
कार्यक्रमाची सुरुवात मराठी साहित्यातील दिग्गज कवी कुसुमाग्रज आणि थोर शास्त्रज्ञ सर सी.व्ही. रमण यांच्या प्रतिमांना पुष्पहार अर्पण करून अभिवादन करून करण्यात आली.
* अध्यक्षस्थान: महाविद्यालयाच्या उपप्राचार्या डॉ. डी.एस. बिरनाळे मॅडम यांनी कार्यक्रमाचे अध्यक्षपद भूषवले. त्यांनी आपल्या भाषणात मराठी भाषेचे महत्त्व अधोरेखित करतानाच, भावी शिक्षकांनी विज्ञानाची कास धरून अध्यापन करणे काळाची गरज असल्याचे प्रतिपादन केले.
* प्रमुख उपस्थिती: या प्रसंगी सहयोगी प्राध्यापिका जाधव एस.ए. मॅडम यांची प्रमुख उपस्थिती लाभली. त्यांनी ‘मराठी भाषा आणि विज्ञान’ यांचा दैनंदिन जीवनातील परस्परसंबंध यावर आपले विचार मांडले व वैज्ञानिक दृष्टीकोन स्वीकारावा असे अधोरेखित केले.
कार्यक्रमातील ठळक वैशिष्ट्ये
या संयुक्त कार्यक्रमाचे मुख्य आकर्षण म्हणजे महाविद्यालया च्या’मराठी साहित्यिक माहितीपर पोस्टर प्रदर्शन’ हे होते.
मराठी साहित्यिक माहितीपर पोस्टर प्रदर्शन’ याचे उद्घाटन लेखक संदिप पवार सर यांनी केले.
या प्रदर्शनाद्वारे मराठी साहित्यातील दिग्गज कवी, कादंबरीकार आणि नाटककार यांच्या जीवनप्रवासावर प्रकाश टाकण्यात आला.विद्यार्थ्यांमार्फत कुसुमाग्रजांच्या कवितांचे वाचन आणि मराठी भाषेच्या संवर्धनासाठी प्रतिज्ञा घेण्यात आली.
राष्ट्रीय विज्ञान दिनानिमित्त काही विद्यार्थ्यांनी विज्ञानातील नवनवीन बदलांची माहिती दिली.
मनोगते: महाविद्यालयातील प्रशिक्षणार्थी शिक्षकांनी दोन्ही दिवसांचे औचित्य साधून आपली मनोगते व्यक्त केली.
अध्यक्षीय भाषणाने कार्यक्रमाची सांगता झाली. डॉ. डी.एस. बिरनाळे मॅडम यांनी या कार्यक्रमामुळे भावी शिक्षकांमध्ये मातृभाषेप्रती आदर आणि वैज्ञानिक विचारांची रुजवणूक होण्यास मदत झाली. छात्राध्यापक रितेश सलगर यांनी कार्यक्रमाचे आभार प्रदर्शन करून कार्यक्रमाची सांगता झाली

“आप्पासाहेब बिरनाळे (बी.एड.,एम.एड) कॉलेजमध्ये एम.एड. सीईटीसंबंधी एकदिवशीय मार्गदर्शन कार्यशाळा
संपन्न “* सांगली.
वसंतराव बंडुजी ट्रस्ट,संचलित आप्पासाहेब बिरनाळे कॉलेज ऑफ एज्युकेशन,सांगली. येथे दोन वर्षीय एम .एड. या अभ्यासक्रमासाठी दिनांक 25 मार्च 2026 या दिवशी ऑनलाईन सीईटी होणार आहे. ही सीईटी देऊन एम .एड. प्रवेशास इच्छुक प्रशिक्षणार्थी साठी महाविद्यालयाने एक दिवशीय मोफत एम एड.सीईटी मार्गदर्शन कार्यशाळा आयोजित केली होती. सदर कार्यशाळेमध्ये महाविद्यालयाच्या उप -प्राचार्या डॉ.डी.एस ,बिरनाळे, सहा.प्रा.एस. व्ही. चांदणे , सहा.प्रा.पाटोळे व्ही.एन. सहा. प्रा. होनमाने पी.पी. सहा. प्रा.एस. जी. माने . यांनी सकाळी 11.00 ते 3.30 p.m.पर्यंत मार्गदर्शन केले.सर्वप्रथम उपस्थित सर्व मान्यवरांचे स्वागत करण्यात आले.
महाविद्यालयाचे उप -प्राचार्याडॉ.डी.एस ,बिरनाळे, यांनी कार्यशाळेमध्ये सहभागी विद्याध्यांचे स्वागत करून त्यांना परीक्षेसाठी शुभेच्छा दिल्या. कार्यशाळेसाठी उपस्थित प्रशिक्षणार्थीनी आपल्या मनोगतातून एम.एड.सीईटी
मार्गदर्शन कार्यशाळा अत्यंत उपयुक्त असल्याचे नमूद केले.
शैक्षणिक तत्वज्ञान, शैक्षणिक समाजशास्त्र -सहा.प्रा.एस.व्ही.चांदणे , शैक्षणिक मानसशास्त्र, शैक्षणिक मूल्यमापन व संख्यांशास्त्र – सहा.प्रा.पाटोळे व्ही.एन, शालेय प्रशासन व व्यवस्थापन -सहा. प्रा. होनमाने पी.पी., माहिती व तंत्रज्ञान आणि संशोधन अभियोग्यता – सहा. प्रा.एस. जी. माने .या क्षेत्राशी संबंधित विविध तज्ञांनी केलेले मार्गदर्शन आम्हाला सीईटी परीक्षेमध्ये अधिकाधिक मार्क मिळवण्यासाठी उपयुक्त ठरेल असा आशावाद कार्यशाळेस उपस्थित प्रशिक्षणार्थिनी व्यक्त केला. कार्यशाळेमध्ये सुमारे 22 हुन अधिक विद्यार्थ्यांनी सहभाग नोंदवला होता.यासाठी संस्थेचा नेहमी पाठिंबा असतो

जागतिक महिला दिन
आप्पासाहेब बिरनाळे कॉलेज ऑफ एज्युकेशन सांगली येथे जागतिक महिला दिनाचे औचित्य साधून सोमवार, दिनांक ९ मार्च २०२६ रोजी महिलांच्या कर्तृत्वाचा गौरव करणे आणि स्त्री-पुरुष समानतेचा संदेश देणे हा या कार्यक्रमाचा मुख्य उद्देश होता.
कार्यक्रमाची सुरुवात क्रांतीज्योती सावित्रीबाई फुले यांच्या प्रतिमेचे पूजन आणि दीप प्रज्ज्वलनाने करण्यात आली.
​कार्यक्रमाला प्रमुख वक्त्या म्हणून महाविद्यालयाच्या उप प्राचार्या डॉ डी.एस. बिरनाळे उपस्थित होत्या. त्यांनी आपल्या भाषणातून महिलांचे शिक्षण आणि स्वावलंबन यावर प्रकाश टाकला.
​ महाविद्यालयातील विद्यार्थी-विद्यार्थिनींनी महिला सक्षमीकरणावर आधारित कविता, भाषणे सादर केली. आजच्या काळात महिला सर्वच क्षेत्रांत कशा प्रकारे आघाडीवर आहेत, याचे दर्शन या सादरीकरणातून घडले.
​महाविद्यालयातील महिला प्राध्यापिका यांचा गुलाबपुष्प देऊन सन्मान करण्यात आला.

आप्पासाहेब बिरनाळे कॉलेज ऑफ एज्युकेशन, तर्फे संस्थेचे माजी अध्यक्ष मा. श्री. बबनराव आप्पासाहेब बिरनाळे यांचा ८० वा वाढदिवस (अमृत महोत्सव) 2 मार्चला अत्यंत उत्साहात साजरा करण्यात आला. श्री वसंतराव बंडूजी पाटील ट्रस्टचे आधारस्तंभ आणि माजी अध्यक्ष मा. श्री. बबनराव आप्पासाहेब बिरनाळे यांनी वयाची ८० वर्षे पूर्ण केल्याबद्दल, त्यांच्या कार्याचा गौरव करण्यासाठी महाविद्यालयात अभिष्टचिंतन सोहळ्याचे आयोजन करण्यात आले होते. महाविद्यालयाचे उप प्राचार्या डॉ डी.एस. बिरनाळे, प्राध्यापक आणि कर्मचाऱ्यांनी त्यांच्या मार्गदर्शनाखाली झालेल्या संस्थेच्या प्रगतीबद्दल कृतज्ञता व्यक्त केली. तद्नंतर माजी अध्यक्ष मा. श्री. बबनराव आप्पासाहेब बिरनाळे यांनी “शिक्षण संस्था ही केवळ इमारत नसून ती भविष्यातील पिढी घडवणारे मंदिर आहे. शिस्त आणि प्रामाणिकपणा हेच माझ्या आयुष्यातील यशाचे गमक आहे.”असे मार्गदर्शन केले. शेवटी सर्वांसाठी स्नेहभोजनाचे आयोजन करण्यात आले होते. उपस्थित सर्वांनी त्यांना दीर्घायुष्य लाभो, अशी प्रार्थना केली. महाविद्यालयाच्या वतीने सहा.प्राध्यापक किर्तीकर सर यांनी आभार मानून कार्यक्रमाची सांगता झाली.